Mintzalaguna ezagutzeko, zortzi bideo ikusteko aukera interneten

Mintzalaguna. Udalaren eta AEK Euskaltegiaren ordezkariak eta bideoetan agertzen diren herritarrak, aurkezpen ekitaldian. /  UNANUE
Mintzalaguna. Udalaren eta AEK Euskaltegiaren ordezkariak eta bideoetan agertzen diren herritarrak, aurkezpen ekitaldian. / UNANUE

Euskara Zerbitzuak eta AEK euskaltegiak kanpaina berri bat jarri dute martxan ekimena sustatzeko

MARIVI OLANO ANDOAIN.

Andoaingo mintzalaguna ekimenak zortzi urte bete ditu. 2011. urtean jarri zen abian eta harrezgero urtero-urtero, hutsik egin gabe, antolatu da. Egitasmoa ezagutzera emateko Andoaingo Udalak eta AEK Euskaltegiak zortzi bideo egin dituzte, oso bideo laburrak, minutu eta erdi pasatxokoak. Interneten jarriko dira ikusteko eta bertan Mintzalagunean parte hartzen duten lagunak dira protagonistak.

Bideoak joan den astean aurkeztu zituzten Udaletxean Ainara Rodriguezek, Euskara zinegotziak ,eta Mintzalaguna egitasmoaren koordinatzailea den Ainara Loiartek.

«Pozik egoteko moduan gaude. Zortzi urte hauetako parte hartzaile kopuru altuena daukagu aurten Mintzalagunean. Beraz, pozik gaude, baina gehiago nati ditugu», adierazi zuen aurkezpenean Euskara zinegotziak.

Gaur egun 57 lagun ari dira parte hartzen euskararen erabilera sustatzen duen egitasmo honetan. Horietatik 40 dira euskara praktika-tzera etortzen direnak, eta 17 dira 40 horiei euskaraz hitz egiten laguntzera etortzen direnak. 40 andoaindar horien artean, batzuk euskaraz hitz egiteko zailtasunak dituzte eta ez dute euskaraz norekin hitz egin beren inguruan. Beste ba-tzuk badira euskara euskaltegian ikasi eta nahiko ondo dakitenak, baina praktikatu beharra daukatenak. Beste batzuk dira txikitan euskara ikasi baina gerora ahaztu dutenak, eta orain aukera dute berrezkuratzeko.

Rodriguez-ek esan zuen arabera, «Mintzalaguna ez da euskaltegia, ez da euskarazko klasea. Mintzalaguna da euskara praktikatzeko gune bat, euskaraz hitz egitea batzuetan zaila zaien pertsonek euskaraz lasai-lasai, lotsarik gabe, hanka sar-tzeko beldurrik gabe, patxada ederrean hitz egiteko gune bat da».

Bere aldetik, Ainara Loiartek aipatu zituen Mintzalagunan antolatzen diren ekintzak. «Aurtengo ekin tzen artean aipatu ditzakegu, esate baterako, bertso afaria, Urmara museoa bisita, errege-opilak egiteko tailerra, sagardotegia, mendira irteera edo karaokea». Loiartek esan zuen «kontuak azken finea da euskara ahalik eta gehien hitz egitea. Bakoitzak dakien neurrian, ondo, ez hain ondo, baldar xamar... nahi eta ahal den moduan, baina euskara praktikatu gaizki hitz egiten den beldurrik gabe».

Mintzalagunan parte hartzeko izena eman behar da Udaletxean (Euskara Zerbitzuan) edo AEK euskaltegian. Bestalde, gurasoei zuzendua, euskaltegiak Bidaide izeneko egitasmoa du, «gurasoek eta haurrek beren artean euskara erabil dezaten».

Partehartzaileak

Bideoetan agertzen diren herritarrak hauexek dira: Marian Ibaibarriaga, Toñy Landa, Toñi Rodriguez, Marijose Arconada, Mertxe Larralde, Ainara Loiarte, Domi Lucero, Merce Brau, Patricia Garcia, Angel Bueno, Txus Sebastian, Inaxio Arana, Josean Trujillo, Mien Ansa, Ainara Arratibel, Justo Bachiller, Ana Horrillo, Maite Sagaseta, Azucena Bonafau, Cristina Mazkiaran, Eloy Artolazabal, Marisol Iruin, Arantxa Astibia, Mari Carmen Gonzalo eta Arantxa Sagastibeltza.

Contenido Patrocinado

Fotos

Vídeos