Diario Vasco

Haurrek euskara erabil dezaten aholkuak emango ditu gaur Itziar Larzabalek

'Nola lagundu seme-alabei lagunartean euskara erabil dezaten?' izenburupean, Euskara Sailak, gaur, arratsaldeko 18.00etan, Basteron, hitzaldi bat antolatuko du. Hitzaldia, seme-alabek Haur Hezkuntzan edota Lehen Hezkuntzan ikasten duten guraso eta familia euskaldunei zuzendua dago , eta helburuak haurren hizkuntza-ohituren oinarrian zer dagoen ikustea, eta eragin nahi izanez gero zer eta nola egin dezake aztertzea izango dira. Itziar Larzabalek (EBETE enpresako aditua) seme-alaben hizkuntza ohituretan eragitera begira, gurasoei hiru bide garatzea proposatuko dizkie, eta bide horietako bakoitzaren inguruko aholkuak emango ditu.

Hitzaldiaren edukiak

Bide horiek hauexek dira: hizkuntza aberastasuna (etxetik euskara aberatsa eskaintzea abiapuntu garrantzitsua da seme-alaben hizkuntza ohituretan eragitera begira), hizkuntzekiko jokabideak (hizkuntza-ohitura asko imitazioz ikasten dira. Seme-alaben hizkuntza -ohiturak axola zaizkien gurasoek beraienak zaintzea komeni zaie), eta hizkuntzarekin harremana (hizkuntza-ohituretan eragin zuzena dute hizkuntzekin ditugun bizipenek eta hizkuntzarekiko pertzepzioek).

Recibe nuestras newsletters en tu email

Apúntate