Diario Vasco

Gaur banatuko dira film laburren lehiaketaren sariak

Andoaingo Udaleko Euskara Zerbitzuak eta Bideo eta Zine Eskolak (ESCIVI) bigarren urtez antolatuta, ez profesionalentzako film laburren lehiaketaren sari banaketa izango dugu gaur, arratsaldeko 18.00etan, Bastero Kulturguneko ekitaldi aretoan.

Aurkeztutako lanak ikusteaz gain, lehiaketaren epaimahaia izan den Maider Fernandezekin batera, Maria Elorzak eta Aitor Gametxok ekoitzitako 'Irudi mintzatuen hiztegi poetikoa' izeneko film laburra ere ikusteko aukera izango dugu.

Gaur egun Maiderrek eta Mariak 'Las Chicas de Pasaik' izeneko kolektiboa ostazen dute, eta hainbat proiektu eraman dute aurrera, besteak beste, 'Kalebegiak' egitasmo barruko 'La Chica de la Luz', edota pasa den asteburuan ZINEBIren 58. edizioan Euskal Zinearen Sari Nagusia jaso zuten 'Gure hormek' lana.

Bestalde, gaur, arratsaldeko 19:00etan, La Salle Berrozpek bertso-triki kalejira antolatuko du. Basteron hasiko da eta inguruko kale eta tabernetatik mugituko da partehartzaileen artean euskararen erabilera susta-tzeko asmoz.

Bestetik, bihar, arratsaldeko 16:00etatik aurrera, Goikoplazan, Haur Hezkuntzako ikasleek 'Akelarre' proiektuan hartuko dute parte.

Recibe nuestras newsletters en tu email

Apúntate