Diario Vasco

Euskararen Nazioarteko Egunaren egitaraua bihar hasiko da

Antzerkia. 'Gabon, Txirrita' obra, ostiralean Basteron ikusteko aukera izango da.
Antzerkia. 'Gabon, Txirrita' obra, ostiralean Basteron ikusteko aukera izango da. / SAROBE GUNEA
  • Igandera arte musika, antzerkia, bertso afaria, zinea eta kalejirak antolatuko dira

Bihar hasi eta igandera arte Andoaingo Udalak eta hainbat taldek Euskararen Nazioarteko egunaren baitan, ekitaldi batzuk antolatuko dituzte.

Egitaraua bihar, arratsaldeko 18:00etan, hasiko da Basteron. Bertan, II. Andoain Laburrean izeneko lehiaketan aurkeztu diren lanak proiektatuko dira, profesionalen beste lan batzuekin batera, eta horrez gain, sarien banaketa ekitaldia ere burutuko da. Ekitaldia, Udalak eta Andoaingo Zine eta Bideo Eskolak antolatzen dute. Bestalde, ilun-tzeko 19:00etan, La Salle Berrozpe ikastetxeak bertso-pintxo pote bat egingo du, Basterotik hasita.

Ostiralean, arratsaldeko 18:00etan, Gazte Lokalean KEN-1 taldearen eskutik kontzertu didaktiko bat eskeiniko da. Bertan, zozketak, sariak eta hainbat sorpresa ere izango dira.

'Gabon, Txirrita', Basteron

Ostiralean ere, gaueko 21:30ean, 111 Akademiak 'Gabon, Txirrita' an-tzezlana aurkeztuko du Bastero Kulturgunean. Xabier Letek idatzitako antzezlan hau Urnietako Burun-tza taldeak eskeiniko du. Txirritari eginiko epaiketa bat irudikatzen du Xabier Leteren obrak. Duela 34 urte Buruntza antzerki taldeak taularatu zuen Urnietan bertan, Xabier Letek berak zuzenduta. Orain, Txirritaren heriotzaren 80. urteurrena baliatu du Donostia 2016 kultur hiriburuak obra hau berriro taulara-tzeko.

Joxan Goikoetxearena izan zen obra berreskuratzeko ideia, eta berak jarriko dio musika zuzenean. Miren Gojenolak eta Mikel Laskurainek zuzendu dute antzezlana.

Emanaldirako sarrerak (12 euro) salgai daude Ernaitza, Delgado eta Stop liburudendetan.

Kalejira eta bertso afaria

Larunbatean, Aita Larramendi Ikastolaren eskutik, kalejira izango dugu goizeko 11:15ean Juanita Alkain plazatik Zumea plazara. Iluntzeko 20:30ean, berriz, Santa Krutz elkartean bertso afari bat antolatuko da, Amets Arzallus eta Sebastian Lizaso bertsolariekin.

Bestalde, asteburu honetan Basteron eskainiko dituzten film emanaldiak euskaraz izango dira. Helduek 'Igelak' izenburuko pelikularen estreinaldia izango dute larunbat, igande eta astelehenean, ilun-tzeko 19:30ean eta gaueko 22:00etan. Eta haurrek, 'Albert' filma, larunbat eta igandean, arratsaldeko 17:00etan.

Recibe nuestras newsletters en tu email

Apúntate