Diario Vasco

Urki dantza taldeak bat egin du hilaren 16an egingo den Oinez 16 festarekin

Andoaingo Urki dantza taldeak bat egin du hilaren 16an Vianan egingo den Oinez' 16 festarekin. Gogoratzen dute «1992ko Oinez-etik, andoaindarrok oso harreman gertua dugu Vianako ikastolarekin, urtez-urte bide desberdinez gauzatzen joan dena, besteak beste: Aspalditik, eta gaur egun ere, hango zuzendaria eta irakasle bat andoaindarrak dira. Gainera URKIk antolatzen duen Euskal Jaialdira urte batzuetan hango dantza taldea, trikitilariak edota berbena taldea etorri izan dira. Eta orain, Oinez' 16 feste handirako ere, Andoaingo Urki dantza taldea gonbidatua dago, 2. eremuan emanaldia eskaintzeko 11.00etan». Hori dela eta, «Viana-Lodosa ikastolako antolatzaileek laguntza berezia behar dutela kontuan izanik, Oinez festaren inguruan Urki dantza taldetik ondorengo deialdia egin nahi du lagun andoaindarrek hilak 16 laguntza zehatza eskaintzeko». Parte hartu nahi dutenentzat «plana, 7:30ean, Andoaindik elkarrekin atera autobusez; 9:30etik-15:30era, txosna baten lan-turno bat egin; 18:00etan, autobusez itzuli».

Izena emateko edo informazioa zabaltzeko, jarri zintezke harremanetan Urki Dantza Taldeko arduradunekin edota 627 441 603 telefonora deitu.

Recibe nuestras newsletters en tu email

Apúntate