Diario Vasco

Azaro kulturala oparoa izaten ari da Goizuetan

Iñigo Elizegi eta Jokin Urainek 'Ametsen' liburua aurkeztu zuten.
Iñigo Elizegi eta Jokin Urainek 'Ametsen' liburua aurkeztu zuten. / ARGAZKIAK FELIX LOIARTE
  • Artisau, nekazaritza produktu eta ganadu feria hilaren azken asteburuan izango da aurtengoan

Azaro kulturalak ekitaldi ugari ekarri ditu dagoeneko Goizuetara. Egitarau oparoa antolatu dute aurtengoan ere bertan eta gaur ostirala segida izanen du. Ilun-tzeko 19:00etan pintxo kalejira eginen dute dantzariekin kalez kale goizuetarrek.

Bihar larunbata goizeko 09:00etatik 14:00etara kontserba ikastaroa burutuko da Umore Ona elkartean eta arratsaldeko 18:00etan 'Gutik ZURA' dokumentalaren emanaldia izanen da Ganbaran.

Igandean, berriz, hilak 20a, goizez, erreka garbiketa eginen da auzolanean.

Hala ere, azaroko azken asteburua izaten ohi da arrakastatsuena Goizuetan izan ere, azoka eguna izaten baita bertan. Aurten, hilaren 26an, larunbata, izanen da hitzordu berezia, baina bezperan, ostiralean 18:30ean emakumeenganako indarkeriaren aurkako kontzentrazioa eginen da plazan. Nazioarteko Egunaren harira. Iluntzeko 19:00etan Ganbaran, 'Esentzia' bere azken liburua aurkeztuko du Ander Olaizola argazkilariak. Datorren hilaren 26an berriz, artisau, nekazaritza produktu eta ganadu feria izango da. Aurten ere bertako baserritar eta ganaduzaleen barazki, fruitu, gazta, esneki eta bestelako produktuak salgai jarriko dituzte herriko erdi gunean. Txino auzoan berriz, aziendak ikusgai izango dira. Egunean zehar trikitilarien musikak alaituko du giroan, kalez kale.

Ekitaldi desberdin

Aurreko asteburuan, azaro kulturaren baitan izandako ekitaldien artean, azpimarratzekoa da Iñigo Elizegik eta Jokin Urainek 'Ametsen liburua' aurkeztu zuten udaletxeko ganbaran. Aldi berean, Iñigo Elizegiren margolan erakusketa ere zabalik izan da leku berean.

Bestalde, aranoarrekin topaketa egin zen mairu-baratzeetan. Paraje ederretaz gozatzeko aukera izan zuten bertaratu zirenek eta gauza ugari ikasteko monumetu megalitikoen inguruan, horien artean, Añoneko trikuharria, jentil baratzak,... Bertan, Juan Mari Ansa izan baitzen. Herrian gelditu zirenek, plaza dantzak dantzatako aukera izan zuten lokalean. Bestalde, Goizuetako hizkerari buruzko solasaldia eskaini zuen Oihana Lujanbiok eskolako jangelan. Igandean berriz, 'Amalurraren ahotsak' dokumentala ikusgai jarri zuten Ganbaran.

Recibe nuestras newsletters en tu email

Apúntate