Diario Vasco

Azken Kizki Eguna izango da Astigarragan irailaren 25ean , erronkaren bila

Aurtengoan zortzigarren edizioa izango du Kizki Egunak eta datorren irailaren 25ean, igandez, ospatuko da Astigarragan, 2009an lehen aldiz egin zenetik eskualdeko herrietan urtez urte egin bezala.

Aurtengo ediziorekin Astigarragan bertan hasitako bideari eman nahi zaio amaiera. Amaiera horretarako errekorra ezarri nahi da berriz ere, eta helburu horrekin batuko dituzte indarrak Kizki egunak antolatu izan dituzten zazpi udalerriek. 700 kizki-lagun biltzea izango da erronka, aldi berean kizkiarekin sagarra bilduko duten 700 lagun elkartzea. Parte hartu nahi dutenek ondorengo web-orrian eman ahal izango dute aurrez izena: www.sagardoarenlurraldea.eus. Egunean bertan ere bai.