Diario Vasco

Urnietako 30 aktore Donostian gaur 'Gabon Txirrita' ikuskizunean

Ikuskizunaren aurkezpena Donostian egin zen baina Urnieta protagonista da.
Ikuskizunaren aurkezpena Donostian egin zen baina Urnieta protagonista da.
  • Sarrerak agortuta daude eta gaueko 9:00etan hasiko da Trinitate plazan, Urnietara hilaren 23an iritsi baino lehen

Donostia 2016k 'Gabon, Txirrita' proiektua gauzatu du eta gaur ikusi ahal izango da Donostian. Bigarrena Urnietan izango da, hilaren 23an. Proiektu horren bitartez, Xabier Letek idatzitako izenburu bereko obra taularatuko da. Obrak bertsolariari eginiko epaiketa bat irudikatzen du, umorezko tonuan. Emankizunak gaur Donostian eta 23an Urnietan izango dira. Proiektuan, Urnietako Udala, Donostia Kultura eta Donostia Festak erakundeek hartu dute parte. 'Gabon, Txirrita' DSS2016EUren Bakearen itsasargiaren baitan dago. Izan ere, obrak hausnarketa zabal bat egiten du itsasargi horretan jorratzen diren zenbait alderdiren inguruan, hala nola giza eskubideen eta bizikidetzaren gainean.

Urnietako hogeita hamar aktore amateurrek baina gehiagok osatutako talde batek antzeztuko du obra. Parte-hartzaile gehienek badute aurretiko esperientziaren bat, eta konpromiso handia dute denek proiektuarekin, Urnietak tradizio handia baitu antzerkiaren arloan. Hemen bertan antzeztu zen, hain zuzen, Leteren obra duela 34 urte. Letek berak zuzendu zuen orduko hartan, eta zenbait paper ere burutu zituen.

Donostia 2016k antzerkiarekiko zaletasun hau bildu nahi izan du, eta, horretarako, funtzioa Urnietan egin nahi izan du, 1982an hiru egunetan jarraian sarrera guztiak agortu zituzten antzezpen haiek gogoan hartzeko. Obrak jatorrizko testuari ahalik eta fidelen jarraitzen dio. Aldaketaren bat egin da, hala ere: emakumezkoek jokatutako paper gehiago, atrezzoa, estetika, musika eta abar. Jakingarri bat: 1982an Txirritaren defentsariarena egin zuen pertsonak, Jokin Izagirrek, paper bera jokatuko du aurtengo irailean ere.

Mikel Laskurain eta Miren Gojenola zuzendari eta aktoreak ari dira zuzendaritzan, eta Jaione Jauregi eta Maribel Tardio, Sarobe Arte Eszeniko Gunekoak, produkzioan. Saioak euskaraz izango dira.

Bernardo Atxaga

Proiektuari buru emateko eta Xabier Leteren obratik abiatuta, Bernardo Atxagak beste obra bat idatzi du. Obra hori antzerki-talde profesional batek antzeztuko du, abenduan. Aurrerago jakinaraziko dira xehetasun gehiago.