Julen Murgiondo eta Saioa Galartzak irabazi dute Hernaniko Gazteen XX Dantza Txapelketa

Euskal Herriko dantzari onenak aritu dira igande honetan Hernaniko Biteri kultur etxeko oltza gainean. Fandangoa eta arin-arina dantzatzen abilena izan den bikoteak irabazi ditu txapela eta zapia, hain zuzen, Bergaratik etorritako bikotea, Julen Murgiondo eta Saioa Galartza.

Nahiko parekatuta ibili dira bikoteak, azaldu dute Gipuzkoako Dantzarien Biltzarreko epaileek, baina azkenik, erritmoa, abiadura eta mugimenduen dotoretasuna bezalako xehetasunak kontuan hartuz, Julen eta Saioak merezita irabazi dute Hernaniko txapelketa. Bigarren, Julen eta Nagore Berrondo, errezildarrak;hirugarren, Ekain Uzkudun eta Laura Bastida azpeitiarrak; laugarren, Iker Belintxon eta Maider Aginaga lezotarrak eta bostgarren, Aitor Uzkudun eta Leire Izmendi errezildarrak.