Euskarazko zinea Tinko programarekin haur eta lehen hezkuntzako ikasleentzat

Hamar emanaldietan 3.345 ikasle pasako dira auditoriotik zinema eta kontzertu pedagogikoak ikusteko. /
Hamar emanaldietan 3.345 ikasle pasako dira auditoriotik zinema eta kontzertu pedagogikoak ikusteko.

Aurtengo saioak otsailean hasi ziren eta apirilera arte ikasleak auditoriotik pasatuz joango dira

I.A. HONDARRIBIA.

Beste ikasturtetan bezala, aurten ere Udaleko Hezkuntza departamentua euskarazko zinea eta kontzertu pedagogikoen sorta eskaintzen ari da, Hondarribiko haur eta lehen hezkun-tzako ikasleentzat. Talaia, San José eta Ama Guadalupekoa Ikastetxeetako 3.345 ikasle eta irakaslek parte hartzen duten ekimen bat da.

Juan Luis Silanes Hezkuntza zinegotziak azaldu duenez, «jarduera guztiek helburu nagusi batzuk jarraitzen dituzte: alde batetik, Hondarribiko ahalik eta ikasle gehien kultur adierazpide zenbaitera hurbiltzeko aukera ematea. Hortaz gain, eskolaz kanpoko jarduerak aberasteko bide bat jartzea bilatzen dugu, baita ohitura batzuetan eragitea gure gazteei, kasu honetan, Itsas Etxea auditoriumera hurbildu eta kulturaz gozatzea. Azken helburua eta oso garrantzitsua, euskararen presentzia eskolaz kanpoan areagotzea da».

'Euskara zine aretoetara, Tinko' programak lau euskarazko zine -emanaldi eskainiko ditu. Lehen eta haur hezkuntzako ikasleentzat euskarazko zinea eskaintzea da helburua. Lehen emanaldi otsailaren 14ean izan zen, 'Luke eta Lucy', lehen hezkuntzako lehen eta bigarren mailako ikasleentzat. Martxoan eta apirilean zehar beste hauek ikusi ahal izango dira: 'Tarzan', 'Koko2' eta 'Ballerina'.

Sei kontzertu pedagogiko

Zineaz gain, sei kontzertu pedagogiko ere izango dira. Lehena gaur bertan eskainiko da, 10.30ean, Hari Laukotearen eskutik. Maider Aizpurua eta Leire Hipolito (bibolinak), Imanol Martinez (biola) eta Amaia Garciak (biolontxeloak) kontzertua eskainiko diete lehen hezkuntzako ia 200 ikasleei.

Gainontzeko emanaldiak datozen aste eta apirilean izango dira. Sei emanaldi hauetako bat dantza klasiko eta euskal dantza ikuskizuna izango da, denetan azkena hain zuzen ere.

Contenido Patrocinado

Fotos

Vídeos