Diario Vasco

400 lagun inguruk parte hartuko dute biharko Herri Kanta jaialdian

Herriko hamaika koruk eta Baionako Aizkoak abesbatzak hartuko dute parte.
Herriko hamaika koruk eta Baionako Aizkoak abesbatzak hartuko dute parte. / F. PORTU
  • Baiona Aizkoak abesbatzak gonbidatu moduan abestuko du

  • Ekitaldia goizeko 11:00etan hasiko da Gipuzkoa plazan, edo auditorioan eguraldi txarra egingo balu

Herriko hamaika abesbatzek eta 400 abeslari inguruk hartuko dute parte bihar Herri Kanta jaialdiaren hogeitazortzigarren saioan. Hitzordua goizeko hamaiketan da Gipuzkoa plazan eta, eguraldi txarra eginez gero, Itsas Etxea auditoriora aldatuko litzateke, beste urte batzuetan egin izan den bezala.

Hau izango da partehartzaileen ordena, beraien zuzendariak eta abestuko dituzten kantak: Billabak (Aritz Enparan), 'Itsasoa gara' (Ken Zazpi) eta 'Zera zu' (Aritz Enparan eta Vince Clarke); Klink Korua (Aritz Gonzalez), 'Nafarroa' (J.M. Bedaxagar) eta 'Eskalapoi dantza' (Aita Donostia); Kardiñeruak, Mari Jose Iridoy eta Aritz Enparan, 'Gogoaren baitan' (Anje Duhalde) eta 'Begitxo beltxaran' (Mikel Garikotz); Olagarro, Xabier Agirre, 'Euskera oi euskera' (Imanol Urbieta) eta 'Arrantzale' (Jean Dazatz eta Manex Pagola); Kasino Zaharra, Juncal Gaskon, 'Beti eskamak kentzen' (herrikoia) eta 'Baratze bat' (Pier Paul Bertzaiz); Amuitz, Gurutz Ortolaitz, 'Kuku' (Jaime Sorondo eta Sergio Jaroff) eta 'Agur Zuberoa' (Etxaun Iruri eta Pierre Bordazarre); Goxoki, Alberto Lasa, 'Oles ezkonberriak' (Aita Madina eta Alberto Lasa) eta 'Astiria mendian' (Manex Pagola eta Xabier Barriola); Xarmanta, Pili Anuncibay, 'Azken portuan' (Lurdes Zubeldia eta J.I. López) eta 'Ttikitako denbora' (Amelia Campandegui); Zumardikoak, Iñigo Salaberria, 'Agur Hondarrabi' (Lurdes Zubeldia eta Lorenzo Ondarra) eta 'Mendirik Mendi' (S. Salaberri); Surbesta, Ander Ribes, 'Maitia nun zira' (herrikoia eta José Tomás Uruñuela) eta 'Poz garaiak' (Surbesta eta Kimberley Kew); eta Amute-Kosta, Bibi Garcia, 'Aitormena' (Hertzainak) eta 'Haurtxoa seaskan' (G. Olaizola).

Hondarribiak Iruñea eta Baionarekin partekatzen duen Creacity proiektuari esker, herriko taldeen ondotik Baionako Aizkoak korua igoko da oholtzara eta 'Segalariak' eta 'Aldapeko-orra or' abestiak kantatuko ditu.

Iparraldeko lagunek bukatutakoan, abesbatza guztiek batera eta bertaratutako ikusleek 'Gazteri berria'eta 'Agur Jaunak' abestuko dituzte.

Recibe nuestras newsletters en tu email

Apúntate