Diario Vasco

Euskarazko zinea Tinko programarekin eta kontzertu pedagogikoak auditorioan

Haur eta Lehen Hezkuntzako ikasleentzat dira pelikulak eta kontzertuak.
Haur eta Lehen Hezkuntzako ikasleentzat dira pelikulak eta kontzertuak.
  • 3.307 ikasle eta irakaslek hartzen dute parte ekimen honetan

Ikasturte honetan ere Hondarribiko Haur eta Lehen Hezkuntzako ikasleek Itsas Etxea Auditoriumean euskarazko zinea eta kontzertu pedagogikoetaz gozatzen ari dira, Udaleko Hezkuntza departamentuak antolatuta. Talaia, San Jose eta Ama Guadalupekoa ikastetxeetako 3.307 ikasle eta irakaslek parte hartzen ari dira ekimen honetan.

Juan Luis Silanes, Hezkuntza zinegotziak azaldu duenez, «jarduera guztiek helburu nagusi batzuk jarraitzen dituzte: Hondarribiko ahalik eta ikasle gehien kultur adierazpide zenbaitera hurbiltzeko aukera ematea alde batetik. Hortaz gain, eskolaz kanpoko jarduerak aberasteko bide bat jartzea bilatzen dugu, baita ohitura batzuetan eragitea gure gazteei, kasu honetan, Itsas Etxea auditoriumera hurbildu eta kulturaz gozatzea. Azken helburua eta oso garrantzitasua, euskararen presen-tzia eskolaz kanpoan areagotzea da».

Alde batetik, 'Euskara zine aretoetara, Tinko' programak bost euskarazko zine-emanaldi ditu. Hondarribiko ikastetxeetako lehen eta haur hezkuntzako ikasleentzat euskarazko zinea eskaintzea da helburua, Udalak ikasleentzat antola-tzen diren jarduera pedagogikoen barne. Lehen biak otsailean egin ziren, joan den astean Ama Guadalupekoa eta San Jose ikasletxeetako lehen hezkuntzako 3 eta 4. mailako gazteek 'Bram Barrabas' filmea ikusi ahal izan zuten eta azken bi emanaldiak apirilaren 27an eta maiatzaren 18an izango dira.

Bestalde, ikasturte honetarako lau kontzertu aurreikusten dira. Bi lehenak martxoaren lehen astean, eta hurrengoak hilaren 31n eta apirilaren 6an.

Recibe nuestras newsletters en tu email

Apúntate