Diario Vasco

Euskararen Astea San Jose Ikastetxean

Abenduaren 3an Euskararen Nazioarteko Eguna dela ospatzeko, Euskararen Astea antolatu dute San Jose Ikastetxean. Ekintzez josita joango da aste hau eta dagoeneko ikastetxean 'Euskaraz bizi nahi dut' lema zintzilikatu dute.

Astean zehar esku pilota txapelketa jokatuko da eta finalak ostiralean izango dira. Bihar, LH 5. eta 6. mailakoei Elixa Gallego nutrizionistak elikadura osasungarriari buruzko hitzaldia emango die. Baita ere, Kulki jolas parkea antolatuko dute HH eta LHko ikasleentzat .

Ostegunean, aldiz, Leire Etxaide Mugaritz Jatetxeko sukaldariaren hitzaldia izango dute 3. eta 4. DBHko ikasleek eta LHko 4. eta 5.mailakoek bertsolaritza saio berezia izango dute Jokin Labaien eta Jon Martinekin. Gainera, LHko zein DBHko ikasleentzako Txispum Aretoak antolatutako Euskal Ginkanan parte hartu ahal izango dute eta eskolako txikienek ere ipuin kontalaria, txotxongiloak, jolas parkea eta karaokea izango dituzte.

Ostiralerako, 4. DBHkoek udaletxeak antolatutako Euskararen Inguruko World kafean parte hartuko dute Kasino Zaharrean eta adin bakoitzari egokitutako euskal filmen zinema foruma izango da.

Azkenik, ikasleen arteko euskaraoke lehiaketa burutuko da ostiralean. Astean zehar izena eman duten taldeek kantuak prestatuko dituzte eta ostiralean egindako lana ikusteko aukera izango da

Recibe nuestras newsletters en tu email

Apúntate