Diario Vasco

Aurtengo Mintzodromoa Donibane Lohitzunen egingo da

Mentxu Peñak, Michel Ibarluciak eta Arantxa Berrotaranek aurkeztu zuten Mintzodromoa.
Mentxu Peñak, Michel Ibarluciak eta Arantxa Berrotaranek aurkeztu zuten Mintzodromoa.
  • Bidasoa, Bortziriak eta Hego Lapurdiko biztanleentzat irekita dago

Aurtengo Min-tzodromoa Donibane Lohitzunen egingo da, abenduaren 1ean. Bidasoa, Bortziriak eta Hego Lapurdik Sareuska sortu zutenetik, Mintzodromoaren kokapena aldatuz doa urtetik urtera eta aurten Iparraldearen txanda izango da.

Sareuska, 2014ko irailaren 19an Hego Lapurdiko hiriguneak, Bor- tzirietako Euskara Mankomunitateak eta Bidasoa-Txingudi Mugaz Gaindiko Partzuergoak sortu zuten euskararen sarea da.

Sinatutako protokoloaren arabera lau helburu jarri zizkion bere buruari Sareuska sareak. Euskararen erabilera eta sentsibilizazioa landu, euskara zerbitzuen arteko elkarlana sustatu, euskararen gaineko ardura duten hautetsien arteko harremana eta elkarlana bultzatu eta euskararen ikusgarritasuna landu. Helburu horiek garatzeko 2017 arteko Ekintza Plana diseinatu zen eta Mintzodromoa horren barnean kokatu behar da.

Donibane Lohitzunen bertan egin da Mintzodromoaren aurkezpena eta bertan izan zen Arantxa Berrotaran Bidasoa-Txingudi Partzuergoko ordezkari bezala, Michel Ibarlucia Ainhoako alkatea eta Mentxu Peña, Bortzirietako Euskara Mankomunitatearen ordezkari gisa.

Abenduaren 3an Euskararen Nazioarteko Eguna izaten da baina aurten larunbata denez, Mintzodromoa ostegunera aurreratu da. Beraz, abenduaren 1ean Donibane Lohi-tzuneko Maurice Ravel aretoan goizeko 10:00etan egingo da. Parte har-tzeko epea irekita dago hilak 28 arte herri desberdinetako Euskara Zerbitzuetan, Euskaltegietan eta Biztanleen Arreta Zerbitzuetan.

Mintzodromoan euskal kulturako pertsonaia ezagunek parte hartuko dute, Kalakan taldeak, Peio Ospital kantariak e ta Maialen Arzallus bertsolariak, besteak beste.

Gazteentzako mintzodromoa

Bestalde, Neguko Jardunaldien barruan berrikuntza bezala dator Gaztedromoa, gazteentzako mintzodromoa. Arantxa Berrotaran euskara saileko zinegotziak azaldu zuenez, abenduaren 2an izango da. «Kasino Zaharrean gazteentzako min-tzodromoa antolatuko dugu, bi saiotan. Ikastetxeetatik oso harrera ona izan du ekimen honek eta espero dugu ondo joango dela. Kasino Zaharrean giro goxoa sortuko dela uste dugu».

Recibe nuestras newsletters en tu email

Apúntate