Diario Vasco

Mintzalaguna egitasmoan izena emateko epea ostiralean itxiko da

Laugarren urtez antolatu den Mintzalaguna egitasmoan parte hartu nahi dutenek jakin behar dute ostiral honetan itxiko dela izena emateko epea.

Programan parte hartzeko baldintza bakarrak dira euskaraz komunikatzeko gai izatea eta astean ordubetez elkartzeko konpromisoa hartzea. Postaz (Hondarribiko Udala, Euskara Zerbitzua. Kale Nagusia, 20. 20280), emailez (mintzalaguna@hondarribia.eus), internet bidez (http://blogak.eus/mintzalaguna_hondarribia) edota eskuz (Euskara Zerbitzua, 9:30etik 11:30era) eman daiteke izena.

Joan den ikasturtean, ia 80 parte-hartzaile erakarri zituen hirian euskararen erabileran eragiteko helburua duen programak. 'Konturatzerako euskaraz!' leloa hautatu dute aurten.

Euskaraz aritzeko ohiturarik ez dutenak ohitura dutenekin elkar-tzen ditu Mintzalaguna egitasmoak, erabileran eragiteko eta hizketarako konfiantza eta gune berriak eskaintzeko asmoz. Mintzalagunean parte hartzeko arrazoiak asko izan daitezke: ahaztutako hizkuntza freskatzea, euskaltegian edo eskolan ikasitakoa erabiltzea, jende berria ezagutzea... Parte hartzaile guztiek badute komuna den zerbait: aisialdiaz euskaraz gozatzen dute, eta arian-arian, lagun giro euskalduna sortzen dute. Bospasei laguneko taldeak osatzen dira Mintzalagunean, parte hartzaileen interesen eta ordutegien arabera.

Recibe nuestras newsletters en tu email

Apúntate