Zesta puntako xistera zirkuitoko finalerdiak jokatuko dira gaur

Gazteetan, Eduardo Agirre Zumaiakoa eta Aratz Mendizabal Mutrikukoak osatzen dute bikote bat, bestea berriz, Clement Garcia Bidartekoa eta Hugo Ibar Bidartekoak baita ere, eta hirugarrena Thomas Urrutia Donibane Garazikoa eta Maxime Berdoulay Bidartekoak. Hiru hauen artean 25 tantotara kiniela bakarra jokatuko da eta lehen ailegatzen dena izango da finalean Iparraldeko Etxegarai eta Markina-Xemeingo Mandiolak osatzen duten bikotearen aurka neurtuko direnak.

Helduetan, berriz, dagoeneko sailkatuak daude Etxebarriakoa jaiotzez baina Berriatuako eskolakoa den Iriondo eta Gasteizko Susok osatzen duten bikotea. Beste bikotea hauetatik aterako da; Antxon Alberdi Etxebarria eta Mikel Manzisidor Mutrikukoak osatzen dutena, Ibai Iturrino Miarritzkeoa eta Jon Ibarluzea Markina-Xemeingoak osatzen dutena eta Ekaitz Mendizabal Mutrikukoak eta Zuhaitz Sallaberry Donibane Lohitzunekoak osatzen dutena. Hauek ere kiniela bakarra izango dute 25 tantotara. Sarrera doan izango da, atsedenean txuleta eta ardoen kit batekin osatutako otarra zozketatuko da, Euskal Telebistak grabatu egingo du jaialdia bere laugarren kanaletik emateko eta giroa berriz aparta izango da puntu guztietako jarraitzaileak etorriko baitira.