Xabier Basterretxea eta Arantza Ugarte izango dira sarituak biharko kultura galan

Xabier 'Txordo'. /  GORRITIBEREA
Xabier 'Txordo'. / GORRITIBEREA

GORRITIBEREA MUTRIKU.

Kirolaren gala arrakastatsua izan bazen joan zen ostiralean, bihar egingo den III. Kulturaren gala beste horrenbeste izatea espero da. Iluntzeko 19:00etan hasiko den ekimenean, bi sari eskuratuko dira, kultur talde bati eskura-tzen zaiona eta eragile bati edo eta kasu honetan bezala eragileei eskuratzen zaiena.

Kultur taldeari dagokionez, ofizialki Arte Eskolak aurten bete-tzen ditu 30 urte sortu zela, eta sorrera hartan aritu ziren Bittor Arizmendi, Anizeto Uranga eta Xiri Andonegik egindako lana gogoratuko da. Pintura, eskultura, taila, maskarak, goma-espuma eta azkenaldian muralak, sorrera hartatik onera landu diren bideak ugariak dira; batzuk beste batzuk baino gehiago garatu dira, baina urratutako bidea hor dago, eta baita lortutako maila eta kalitatea ere. Kultur eragileei ematen zaion sariaz beste horrenbeste aipa daiteke, izan ere historia gai bati buruz informazioa jakin nahi duenak badaki herrian Xabier Basterretxea 'Txordok' bideratuko diola bere jakin-nahia eta beste horrenbeste esan daiteke Arantza Ugarteri buruz, baina bereziki bien artean burututako lanik garrantzitsuena Saturrarango historia bilduma litzateke, horrexegatik bihar jasoko duten saria. Hain modan jarri zaigun transmisio ekitaldi bat izango da biharkoa; izango da hitzaldi laburrik eta baita argazki proiekziorik ere, eta guztia ordubete pasatxo iraungo du. Bukaeran luntx bat eskainiko delarik.

Espeleologia larunbatean

Hasiera batean biharko adierazita bazegoen ere, Burumendi Mendizale Taldeko espeleologia talde berriaren presentazioa eta ondoren Elgoibarko Morkaiko mendi taldeko 'Leizarpe' espeleologia taldeak burutu berria duen 'Bajo el suelo de Mutriku, por el karst de Arno' liburuaren aurkezpena, larunbatean, arratsaldeko 19:00etan izango da Zabiel kultur etxean.

Gogoratu liburuan, Olatz Goiko auzoan izan dituzten aurkikuntza garrantzitsuei buruzko dokumentu grafikoak ere proiektatuko dituztela.

Contenido Patrocinado

Fotos

Vídeos