VIII. Arno Trail Sprint Race lasterketak denboraldiari hasiera emango dio igandean

Maite Aizpurua, lehen emakumea joan zen urtean, bere iloba guztiekin batera helmugara iritsi zenean.
Maite Aizpurua, lehen emakumea joan zen urtean, bere iloba guztiekin batera helmugara iritsi zenean. / A.G.

Irabazleek 100 euro eta txapela eskuratuko dituzte

GORRITIBEREA MUTRIKU.

Oporrak pasa bezain laster hasten dira lasterketa probak, eta lehena hurrengo igandean jokatuko da Galbaixo gainean. Jaien atarian VIII. Arno Trail Sprint Race froga jokatuko da 8,55 kilometroko luzaera izango duen ibilaldi berrian. Desnibel metatua 669 metrokoa izango da, eta izena emateko epea zabalik dago bai federatuentzat zein federatu ez direnentzat. Federatuak 12 euro ordainduko dute eta federatu ez direnak 15 euro. Inskripzioak www.herrikrosa.eus helbidean egin daitezke, eta goizeko 9:30etik aurrera ermita ondoan.

Sariak ere garrantzitsuak dira; mutiletan zein nesketan lehen saria 100 euro eta txapela izango baita, bigarrena 60 eurokoa, hirugarrena 40 eurokoa eta lehen mutrikuarra gizonetan zein nesketan txakolin kita izango dute eta baita lehen bi beteranoak ere. Horrez gain hainbat sari zotz egingo dira partaideen artean, eta esate baterako azkenak ere saria izango du animatze aldera. Sariak 12:30ean puntuan banatuko dira eta froga hasi berriz goizeko 11:00etan hasiko da.

Fotos

Vídeos