Txirrindulari ikastaroak eskola kirolari emango dio paso

Pasa den asteko ikastaroa. /  A.Z.
Pasa den asteko ikastaroa. / A.Z.

AMAGOIA ZABALA MENDARO.

Pasa den larunbateko txirrindulari ikastaroak eskola kirolari eman dio paso gaur eta saskibaloi eta eskubaloian arituko dira Mendaroko gaztetxoak, Deba eta Mutrikutik etorriko direnen aurka. Goizeko 9:30ean alebin mutilen eta nesken partidak izango dira mutrikuarren aurka, ondoren, 10:30ak aldean benjamin mutilen eta nesken txandak izango dira, hauek eskubaloian arituko direlarik debarren aurka.

Ia larunbat goiz guztian herriko gaztetxoenek kirolean aritzeko aukera daukate. Aurrekoan, txirrindulari ikastaroaren lehen saioa ospatu zen eta guztira 76 haurrek hartu zuten parte. Oso kopuru altua da eta antolatzaileak oso pozik daude izandako erantzunagatik. Ikastaro osoak, lau saio izango ditu eta hurrengoa, otsailaren bukaera aldera izango da, erdian inauteriak ospatzen direlako.

Esku pilota partidak

Arratsaldean, berriro Gipuzkoako bigarren faseko eskolarteko esku pilota partidak jokatuko dira Goñati pilotalekuan. Arratsaldeko 16:00etatik aurrera 4 partida desberdin ikusteko aukera dago. Gaurkoan, mendarotarrak ere arituko dira eta Deba, Elgoibar, Bergara eta Soraluzetik etorriko diren pilotari gazteen arteko lehiak iango dira.

Contenido Patrocinado

Fotos

Vídeos