Sexualitateari buruzko hitzaldi interesgarria

Aitziber Estonba. /
Aitziber Estonba.

AMAGOIA ZABALA MENDARO.

Oporraldia bukatu da eta ikasturteak bere eguneroko martxa hartu du eta Arno, Ikastolako guraso elkartekoek ere bide berdinetik dihardute. Aste honetarako, asteazken honetan hain zuzen, Aitziber Estonba sexologoak hitzaldia emango du Mendaroko udaletxeko areto nagusian. Hitzaldian landuko duen gai nagusia, 'Gure seme-alabekin sexuari buruz nola hitz egin', izango da.

Aitziber Estonba Irunen jaioa da 1976an eta Harremanak elkarteko kidea da, baita ere Zarauzko Sexu Aholkularitza Guneko arduraduna.

Hitzaldia arratsaldeko 17:00etan hasiko da eta 19:00ak aldera bukatu da. Hitzaldian, Aitziberrek sexualitatea, emozioak, gorputzaren onarpena, erlazioak eta errespetua bezalako gaiak landuko ditu besteak beste.

Hitzaldian, ahalik eta dinamikoen izateko asmoz, bukaera aldean bertara hurbiltzen diren partaide guztiek, galderak egiteko aukera izango dute.

Contenido Patrocinado

Fotos

Vídeos