Poltsa organikoak banatzeko makinak jarriko dira bihar Ondarroan

ALBERTO ECHALUCE ONDARROA.

Lea Artibaiko Amankomunazgoak poltsa organikoak banatzeko makina bihar jarriko du Ondarroan eta 25ean Markina-Xemeinen eta Lekeition.

Makinak hiru herritan jarriko diren arren, txartela duten eskualdeko edozein herritarrek ahalko dute erabili. Ondarroan Alameda ondoan den zerbitzu orokorretako sarreran jarriko da, Markina-Xemeinen Artibai kaleko 4.ean, Hemen Bai merkatarien elkartearen bulegoan eta Lekeition Merkatu plazan.

Herritarrek kezka adierazi dute, poltsak behin agortuta berriak nola lortu ez zekitelako. Amankomunazgoak bi hilabetean behin 40 poltsen sorta bat emango du doan etxe bakoitzarentzat. Bizkaiko Foru Aldundiak eskainitako diru-laguntza bati esker izan da posible neurri hau.

Gainontzeko herrietako bizilagunek euren udaletxeetan ere eskatu ahalko dituzte poltsa organikoak, eta, esan bezala, txartela erabilita gainontzeko herrietako makina banagailuetatik hartu. Organikoa jasotzeko KIT-ak bana-tzen ari dira egunotan

Azken hilabeteetan Lurretik Lurrera kanpainaren baitan bigarren itzulia egiten ari da Lea Artibai Amankomunazgoa, oraindik eskuratzerik izan ez duten herritarrek KIT-a jaso dezaten.

Lekeition apirilean 220 Kit banatu ziren. Ondarroan joan den asteburuan 128. Etxebarrian izango da jarraian eta ondoren Markina-Xemeinen

Amankomunazgoak bizilagunei bidalitako gutuna eramatea gomendatzen da, bertan ateratzen den errolda helbideak bat egiten duelako datu basearen informazioarekin.

Lipduba

Aurten Ondarroako Udaleko Hezkidetza Egitasmoak, maiatzaren 17a LGTBIQ Fobiaren aurkako nazioarteko Egunean egiten diren aldarrikapenak eta lanketak klabe komunitarioan kokatzea erabaki du; horretarako Herriko Ikastetxe guztiekin batera (Zaldupe, Zubi Zabar Ikastola, Txomin Agirre Ikastola eta Institutua) Ondarroa aniztasunaz busti A lemapean Herri Lipduba egingo dugu. Hezkidetza egitasmoak ikastetxeen espaziotik harago eraman, eta aldi berean, data esanguratsua aitzakia hartuta, aniztasun sexualaren aldarriak Ondarroako herriarekin bat egingo du.

Ekimenaren helburua ez da mezu negatiboa zabaltzea, ezta jarrera LGTBIQfobiaren kontrakoa, Ondarroa aniztasuna oinarri, bide eta helburu duen herria dela plazaratzea baizik, aniztasunaren jaia eta aniztasunaren apologia izateko sortu den ekimena baita honako hau.

Herritarrei ekimenean parte hartzeko deia zabaltzen dio Ondarroako Udalak, ekimena bera zabala izatea nahi delako. Maiatzak 17an izango da ekimena goizeko 10:00etatik 12:00etara. Etxelilatik hasi, Ikastola kaletik abiatu, San Ignazio kalera eta Sabin Arana Kaletik berdura plaza gurutzatuko dute partaideek Zubi zaharrean bukatzeko.

Contenido Patrocinado

Fotos

Vídeos