Mutrikuko zezenak Azpeitiko sokamuturraren 500. urteurrenean

Sokamuturra izan arren, tentuz ibili behar izaten da hauen aurrean./
Sokamuturra izan arren, tentuz ibili behar izaten da hauen aurrean.

Astearte arratsaldean 'Arno' ganadutegiko zezenak izango dira

GORRITIBEREA MUTRIKU.

Gauza jakina da sokamuturrak 500 urte betetzen dituela eta hori dela medio Azpeitiko San Sebastian eta Karnabaletan egitarau bereziak prestatu dituztela, baina programa horietan presentzia nabarmena dute Mutrikuko ganadutegiek ere. Urrutira joan gabe, urtarrillaren 20an arratsaldez, hilaren 4an arratsaldez baita eta hurrengo hilaren 13an, ihauteri asteartez, Mutrikuko 'Arno' ganadutegiko zezenak izango dira Azpeitiko kaleak korrituko dituztenak.

Zezenzaletasuna hain nabarmena izanik, azpeitiarrek hiru ganadutegirekin jokatu dute; 'Bergarako Zezenak', Zestoako 'Lopene' eta 'Arno' ganadutegia, baina Bergarakoen oinarria Mutrikuko 'Gorixo' ganadutegian dago, bertako abelburuak erosi bai zituzten. Hauez gain, herrian beste hiru ganadutegi badira gutxienik; 'Etxerre', 'Ibiri' eta Mutrikun kokatua dugun Nerea Epelde.

Beraz Olatz auzoraino luzatzen den Izarraitzeko karstak badu aberastasunik ganadu aldetik. Gogoratu sokamuturreko saio bakoitzeko 6-7 buru kaleratzen dituztela. Arraza aldetik berriz, nahasketa da nagusi baina horren oinarrian, Arno inguruko betizuak ere hortxe jarraitzen dute mendez mende. Azken datu bezala aipatu, 'Arno' ganadutegiak 35 urtetik gora daramatzala Azpeitian.

Contenido Patrocinado

Fotos

Vídeos