Kopraixak giro ezin hobeagoan ospatzen ari dira

Paella prestatzen osagai goxo-goxoekin. /
Paella prestatzen osagai goxo-goxoekin.

Gaur umeen eguna ospatuko da hainbat ekintzekin herriko txikiei zuzenduta

ANDER SALEGI DEBA.

Itziarko jaien astebukaera pasa da, lehenengo egunean eguraldia zela eta ez zen jende asko gerturatu, baina igandean, aldiz, eguraldia lagundu zuen eta jende ugari hurbildu zen Itziarrera. Atzo bikoteak izan ziren protagonista eta gaur, berriz, herriko txikiak izango dira.

Bikote eta hildakoen aldeko meza eman zion atzo hasiera jardunaldiari. Horren ondoren musikaren txanda iritsi zen, eta horretaz, Jan da Eran txarangak arduratu zen. Aurten txarangak kideak berritu ditu eta atzo txaranga gazte batek kaleetan barrena giroa alaitzen egon zen. Hau eta gero, ekitaldi bikoitza egon zen Burugorri ondoko kalean. Alde batetik, Itziarko bizilagun eta inguruetako pertsonak Mutxiarte Kalera hurbildu ziren herriko sagardoa dastatzera, edari hau eskaini zuten ekoizleak; Zubeltzu -Torre, Etxeberri, Arriola Txiki, Lizarran, Erlete - Goikoa, Usarra - Erdikoa, Ibizar, Igartza, Txindurri - Iturri eta Aldazabal - Azpikoa izan ziren. Edatekoaz aparte txorizo egosiko pintxoak banatu zituzten. Bestetik, Oihana Iguaran eta Ane Labaka bertsolariak euren trebetasuna erakutsi zuten entzuleen aurrean.

Eguerdian, bazkari herrikoia egin zen Zabalzoro frontoian, bertara 150 pertsona inguru hurbildu ziren, tomate entsalada, paella eta izozkia jatera. Paella osagarri ugarirekin eta goxoa atera zezala bat lagun arduratu ziren. Arratsaldean, bikoteek euren arteko jolasak eduki zituzten hauek amaitu ondoren igandean egon behar ziren errekortadoreak plazara atera ziren euren abilitateak erakusteko zezenen aurrean. Gautxorien bertso desafioarekin amaitu zen eguna, horren aurretik Izer, Alaiber eta Lutxurdiorekin erromeria ospatu zen, honen ondoren Sagar dantza egin zuten.

Kopraixak amaierara heltzen ari dira, horregatik gaur, jaien azken bigarren egunean, umeen eguna ospatuko da. Ekitaldiak 10:30etan hasiko dira umeentzako meza batekin, ondoren jolas batzuk prestatu dira txikienentzat. Eguerdian, 13:00etan entzierroa egingo da, herriko kaleetatik plazaraino. Gero plazan zezenak eta pottokak aterako dira umeek momentu onak pasa dezaten. Bazkaltzeko orduan, umeen bazkaria prestatu da Salegi jatetxean. 17:00etan ekaintxou prestatu da plazan; Euskal dantzak, zirkoa, aerobic, buruhandiak, zezenak eta pottokak egongo dira bertan. 19:30etan Kantu Jira herriko plazatik eta tabernaz taberna. 21:30etan kantu afaria Bikain jatetxean Zumarragako trikitixak alaituta. 22:00etan karaokea plazan bakoitzak kanturako dituen abilitateak erakutsiko ditu eszenatokian. 22:30ean Holly party eta ordu erdi beranduago Gaurgi taldearekin dantzaldia itxiko du ekintzez beteriko jardunaldi bat.

Marinel eguna

Atzotik eskuragarri daude Debako turismo bulegoan Marinel Eguneko (abuztuak 17) bazkarirako tiketak, 17 euroren truke.

Contenido Patrocinado

Fotos

Vídeos