Kataluniako prozesuaren inguruan hitzaldi-afaria egingo da Elorrixan

A.S. DEBA.

Martxa onean doa udazken-neguko kultur programak, 'Barruan giro' izenpean. Herritarrek egindako proposamenetatik osatu zen egitaraua, eta hortik sortua da ekitaldi berri hau ere. Azken hilabeteotan Kataluniako prozesu subiranistak astindu du egunerokotasuna. Hainbat nozio eta gatazka azaleratu ditu, hala nola erabakitze eskubidea, subjektu izaera, gizarte- antolaketa eta demokrazia. Baina, askotan, esaten denak baino, esaten ez denak ematen dizkigu egoera ulertu eta kokatzeko elementuak. Prozesua hurbilagotik bizi-tzeko han-hemenka sortu diren topaketen ildotik, eztabaida eta hausnarketa sustatzea da elkartze honen aitzakia. Gaur 19:30ean Lauhaizeta elkartean kataluniako ordezkari ba-tzuk egongo dira hitzaldian, ondoren afari solasaldi bat egingo da bertako jakiekin 40 lagunentzat.

Contenido Patrocinado

Fotos

Vídeos