Karidadeko salda ez da egingo aurten San Martzial jaietan

NEREA ISASTI SORALUZE.

San Martzial auzoko jaietako Karidadeko salda egiten dutenek, aurten saldarik ez dela egingo jakinarazi dute. Arrazoia, San Martzial auzoko baselizaren egoera. Badira hilabete batzuk baselizako portiko zati bat erori zela. Estalpe berri bat jarri diote, baina badago alde bat estalpe gabe. Antolatzaileen hitzetan, «pena handiz erabaki dugu karidadeko salda ez egitea aurten, ezbehar hau dela eta».

San Martzialgo jaiak larunbatean hasiko dira, guraso eta umeen mendi bueltarekin. Bazkalostean haurrentzako jolasak egongo dira. Eta ondoren, dantzaldia. Afalostean, DJ Daviden musika. Tartean, txapel jaurtiketa eta oihal akrobaziak.

Igandean, meza ospatuko da baselizan eguerdian eta ondoren paella lehiaketa burutuko da. Bestalde, Urrats dantza taldeak dantza ikuskizuna eskeiniko du. Arratsaldean, haurrentzako zezentxo eta pottokak eta txokolatea.

Fotos

Vídeos