Ipuin kontaketa arrakastatsua

Umeek asko disfrutatu zuten saioarekin. /  A.Z.
Umeek asko disfrutatu zuten saioarekin. / A.Z.

Saio guztian zehar, haur eta ipuin-kontalariaren arteko interakzioa eman zen

AMAGOIA ZABALA MENDARO.

Ostegun arratsaldean Udal liburutegian 'Amatxiren istorioak' ipuin kontaketa musikatua aurkeztu zuten, Xirrikituen jostunek. Liburutegia, umez eta gurasoz beterik egon zen eta bertara hurbildu ziren guztiek oso balorazio positiboa egin zuten, bai kontatu zituzten istorioengatik, baita transmititu zituzten baloreengatik ere. Izan ere, laguntasuna, bakardadea, beldurra eta gezurra izan ziren besteak beste, landu zituztenak.

Ipuinak, narrazio eta abestien bitartez kontatu ziren eta bi elementu horien batuketak momentu askotan giro magiko eta hunkigarria eratu zuten. Askorentzat, aspaldian izan den ipuin kontalari saio politenetariko bat.

Pilota partidak

Gaur arratsaldeko 17:00etatik hasita, Goñati Pilotalekuan Alebin mutilen arteko Gipuzkoako lehen faseko hiru esku pilota partida desberdin jokatuko dira. Mendaroarrak beraien arteko partidak jokatuko dituzte eta era berean Elgoibar eta Eibartik etorriko diren beste bi mutikok ere, beraien artean jokatu beharko dute.

Fotos

Vídeos