Igandeko mezan aurkeztuko dute Mendaroko apaiz berria

Angel Basterretxea.
Angel Basterretxea. / A.Z.

Mendaro, Mutriku eta Altzolako parrokietako ardura Txomin Zabaleta Aranberrik hartuko du hemendik aurrera

AMAGOIA ZABALA MENDARO.

Datorren igande honetan, irailaren 3an, Azpilgoetako elizan 12:30ean, Mendaroko apaiza izango denaren aurkezpen meza izango da.

Mendaro, Mutriku eta Altzolako parrokietako ardura Txomin Zabaleta Aranberri elgoibartar apaizak hartuko du. Elgoibartarra da jaiotzaz baina bere sustraiak gure herrian ditu, izan ere aitona eta aita mendaroarrak dira.

Aurreko urteko azaroan, Angel Basterretxearen azken meza eta agurra izan genuen eta ordundik aurrera, herriko diakonoak bete ditu lan asko, baina apaiza ez delako hainbat funtzio ezin ditu bete eta horren ondorioz, Juan Mari Olaetxea, Bikarioa, izan da herrira etortzen ibili dena.

Hilean behin, bikarioak, meza nagusiak ospatu ditu eta baita hileta mezak ere. Datorren igandetik aurrera apaiza berriaren esku egongo dira funtzio hauek.

Goizeko 11:00etan Mutrikun egingo diote lehen aurkezpen meza eta arrazoi honegatik gure herrian ohi izaten den meza 30 minutu beranduago izango da.

Aurkezpen meza honetan, go-tzaia, bikarioa, Txomin Zabaleta Aranberri apaiz berria eta diakonoa izango ditugu elkar.

Fotos

Vídeos