Harrera beroa '25. trophée teink' estropadako parte hartzaileei

Dotora bezain zirraragarria izan zen partaideek egin ziten pasilloa 'Hegoa' ontziari. / FOTOS GORRITIBEREA

Mutrikuarren 'Hegoa' ontzi horiari pasilloa egin zioten

GORRITIBEREA MUTRIKU.

Dotorea izan zen 25. Trophée Teink estropadan parte hartzen duten 24 ontziei egin zitzaien harrera atzo arratsaldez Mutrikuko portuan. Sokoako 'Ur Ikarak' elkarteak antolatutako ekimenak, urte gehienetan izan du babesa Mutrikun, batik bat Maria Eugenia Miguel mutrikuarrari esker, izan ere gerra ostean Mutriku eta Sokoa herrien arteko hartu emanak bizirik irauten bai du gaur egun. Ontzi denak, Armintzatik abiatu ziren, Ondarroa parean denak bildu eta elkarrekin heldu ziren Mutrikura, baina bazen sorpresarik; izan ere ontzi denak pasilloa egin bai zuten eta lehena Jenaro Zelaia 'Axal', Koldo Romero eta Asier Lizardiren 'Hegoa' ontzia porturako bai zen Babes moilan, Danborrean, eta Molazaharra eta Mollaberrin zeuden guztien txalo artean. 24 ontzietatik hiru emakumezkoez osatuta zeuden eta hauek ere txalo ugari jaso zituzten. Polita izan zen baita Mollazaharreko pantalanean ontziak lotu eta porturatzean izan zuten harrera. Ondoren harrera txiki bat egin zitzaien Udaletxean 25. edizioa gogoratuz eta gauean izan zen kantu ederrik 'Arkugain' elkartean. Zabiel kultur etxeko ganbaran loaldia egin ondoren, gaur goizean 'Arkugain' elkartean gosaldu eta 10:30ak aldera aterako dira Orio artekoa burutu asmoz. Aipatu mutrikuarrak 5. postuan daudela, arraunlarien artean giro ezin hobea dutela, eta atzoko harreran beste hogei ontzi heldu zirela babesa emanez arraunlariei. Azpimarratzekoa azkenik, 'Arkugain' marinel erretiratuen elkartetik egiten duten ahalegina, izan ere ehun laguntzeko afaria eta gosaria beraiek prestatzen bai dute.

Fotos

Vídeos