Goienetxek seigarren postua lortu zuen Euskal Herriko Artzain Gazta txapelketan

Idoia Mendizabal bizi-bizi bere salmenta postuan. /
Idoia Mendizabal bizi-bizi bere salmenta postuan.

GORRITIBEREA MUTRIKU.

Joan zen larunbatean Idiazabalen ospatu zen Euskal Herriko Artzain Gazta txapelketaren 34. edizioan, seigarren postua lortu zuen Beñat Egaña eta Maitane Arrindak zuzentzen duten Goienetxe gaztandegiak. Gogoratu Hego Euskal Herriko lau herrialdeetako lehen hamar sailkatuek parte hartu zutela txapelketan, eta berrogei horien artean lehen saria eskualdeko Mausitxak lortu zuela; seigarrena, berriz, Olatz azoko gaztandegikoak izan ziren. Aipatu, Artzai Gazta elkartean, 107 gazta ekoizle direla guztira, horien artean baita mutrikuarrak ere.

Azoko Gernikan

Bestalde, atzo ospatu zen Gernikan Urriko Azken Asteleheneko Azoka, eta aurtengoan ez dute parte hartzerik izan, baina 333 postuen artean baziren Mutriku ordezkatu zuten bi postu gutxienez.

Lehena 'Ondare Mermeladak' aurkeztu zuena Idoia Mendizabal buru zela. Jende gutxiago baina salmenta onak izan zituela aitortu zigun, eta gauza berbera esan zigun Oskar Collazok, izan ere eskuzko pilotak egitera zuzenduta bai dago lanbidez, eta horrez gainera lau bazkideen artean 'Otero' pilota egileen kooperatiba sortua dute. Atzokoan, euri artean baina dotore saldu omen zuten.

Azkenik gogoratu, Santomas aurreko larunbatean Mutrikun ospatzen den azoka baino lehen, azarokoa izango dela egun seinalatuan, San Martin egunarekin bat bai dator aurten azaroko bigarren larunbata.

Fotos

Vídeos