Galbaixotarren egunak emango die amaiera aurtengo jaiei

Yatea lotu eta sardinak dastatzera etorri zenik ere izan zen atzokoan.
Yatea lotu eta sardinak dastatzera etorri zenik ere izan zen atzokoan.

'Piñastegiko Txerrixa' izango da Zapatari kaleko zaindari

GORRITIBEREA MUTRIKU.

Aurtengo Galbaixo jaiak gutxienez bi ezaugarri utziko ditu; bata, ostiralean estreinatu zen 'Zulokoak, atez ate' Juan Karlos Perezek 1973an idatzi eta aurten estreinatu dena, eta bestea 'Piñasteiko txerrixa' Zapatari kaleko zaindari ofiziala izendatuko dutelako. Bietan ere umorea izan zen nagusi, baina biak ala biak ongi antolatuak egon ziren.

Ostiralean berriz erabat bete zen Miruaitz frontoia Xistera Zirkuitoko Mutrikuko jaialdiko finalak ikusteko. Jubeniletan garaileak Iker Ibarluzea eta Aratz Mendizabal herritarra izan ziren 15-14 eta 15-8 irabazi ondoren Clement Garcia eta Julen Lopezi. Nagusietan berriz Telmo Manterola eta Eduardo Suso izan ziren garaile 4-15, 15-4 eta 5-2 irabazi ondoren Ibai Iturrino eta Mikel Manzisidor herritarrari. Jubenilek eskaini zuten partidarik ederrena, irabazi arren galtzaileek ere tanto ederrak burutu bai zituzten. Atzokoan euria izan zen protagonista, baina jendeak bilatu zuen aterki edo estalperik, eta berriro ere agerian gelditu zen moila aldeak falta duen toki publiko eta estalia.

Kofradiko moila itxita dagoenez, Astilleroko moila aldera jo zuten kuadrilla gehienek beraien sardina postuak jartzeko, sokamuturrak susto bat baino gehiago eman zituen eta orokorrean giro aparta izan zen.

Errepetizio eguna

Jaiei amaiera emateko, azken ekimenak ermita inguruan izango dira gaur. Laranga, Olabarrieta eta Ibiri auzoetan hildakoen aldeko meza, azkenik eguerdiko 12:30ean izango da eta Jabier Basurko izango da emailea, beraz gaur ez da mezarik izango Olatz auzoan.

Arratsaldeko 13:00etan, Gorixoko ponia eta Berriatuako Belaustegiko zaldiaren arteko lehia izango da, bien bitartean 'Baltzola anaiak' trikitilarien saioa izango da eta bukaeran errifen zozketa egingo dira horrenbestez amaituko direlarik jaiak.

Fotos

Vídeos