Euskararen Nazioarteko Egunak zineman izango du isla

'Tximinoen Erresuma' eta 'Handia' ikusteko aukera izango da

GORRITIBEREA MUTRIKU.

Gaur ospatzen den Euskararen Nazioarteko Egunak euskarazko zinean izango du isla bereziki Mutrikuri dagokionez, izan ere bi emanaldi zein baino zein interesgarriagoak izango baitira.

Arratsaldeko 16:30etan, 'Tximinoen Erresuma' marrazki bizidunen filma eskainiko da haur guztientzat. Istorio zirraragarria da bertan jasotzen dena; maitasuna, eskuzabaltasuna, partekatzea eta beste hainbat ezaugarri agerian utziko dituelarik bereziki haurrentzat prestatutako dokumentuan. Kasu honetan sarrera doan izango da.

Arratsaldeko 19:00etan, berriz, 'Handia' filmaren bigarren emanaldia izango da. Gogoratu Jon Garaño eta Aitor Arregik zuzendu zuen Altzoko erraldoiaren bizitza jasotzen duen dokumentuak, Donostiako Zinemaldian epaimahaiaren sari berezia eskuratu zuela. Sarrera 3 eurokoa izango da kasu honetan.

Bihar astelehenez, arratsaldeko 19:00etan, 'Hizkuntzen erabileraren kale-neurketako' emaitzak ezagutaraziko dira. Datu eta etorkizunari buruzko irizpideak Joseba Palenzuela Udaleko Euskara teknikariak eta Ibon Aginaga UEMAko partaideak eskainiko dituzte.

Azkenik aipatu 'Euskaraz bizi nahi dut' esaldia jasotzen duen zapiak 'Agerretxo' dendan jarri dituztela salgai.

Contenido Patrocinado

Fotos

Vídeos