Euskal liga eta Udaberri txapelketa

Arnoko gurutze ondoan jaiotza jartzeko irteera izan zuten iazko azkena./
Arnoko gurutze ondoan jaiotza jartzeko irteera izan zuten iazko azkena.

GORRITIBEREA MUTRIKU.

Danok bat pilota eskolakoek asteburu okupatua edukiko dute ohi den bezala. Mutrikun gaur 19:00etan, Euskal Ligako Markina-Gernika partidak jokatuko dira eta ondoren Iparraldeko txapelketaren barruan, Unax-Manex Hondarribiaren aurka. Bihar larunbata, eguerdiko 12:00etan, Udaberri txapelketaren barruan Unai eta Aitor Andonegi Zumaiakoen aurka neurtuko dira. Beste partida guztiak kanpoan izango dituzte; Donostian, gaur 18:00etan, Udaberri txapelketakoak; Tolosan bihar 19:30ean, Gipuzkoako txapelketakoak; Altzan bihar arratsaldeko 20:45etan, palako Udaberri txapelketakoak; Markinan, bihar 16:00etan, Euskal Ligakoak; Zumaian, bihar 16:30ean, Gipuzkoako txapelketakoak; Gernikan, bihar 17:00etan, Euskal Ligakoak eta azkenik, igandean, goizeko 11:00etan, Hondarribian, Gipuzkoako eta Udaberri txapelketakoak eta 17:00etan, Biarritzen, Iparralde txapelketakoak.

Umeen mendi irteera

Hurrengo igandean, urteko umeen lehen mendi ibilaldia izango da, ohi bezala goizeko 9:00etan abiatuta Txanbolingo biribilgunetik. Kasu honetan Mutriku-Olatz-Mutriku ibilbidea burutuko dute, baina tartean Ondabarro, Eguzkitza, San Blas, Mendibeltzu, Ziñua, Belotegi bidea egingo dute, eta behin Olatzera iritsi ondoren ohiko bidetik itzuliko dira. Nahi duten ume guztiek parte har dezakete, baina gogoratu beti ere guraso edo tutoreren bat joan beharko dela. Aipatu batez beste 40 bat ume eta 30 bat guraso parte hartzen dihardutela irteera hauetan.

Contenido Patrocinado

Fotos

Vídeos