Diario Vasco
UEUko saio bat.
UEUko saio bat. / MORQUECHO

'Hizkuntzaren lurralderatzea' saioa antolatu du gaur UEUk Markeskuan

Udako Euskal Unibertsitateak bultzatzen duen eta EHUren berezko titulua den 'Lurraldea eta Hizkuntza: Eragin Linguistikoaren Ebaluazioa' graduondokoaren baitan saio ireki bat burutuko da gaur bertan Markeskua jauregian. Bertan du UEUk bere ikastetxe nagusia eta saioa 9.00etatik 14.30era luzatuko da. Gaiaren alde ezberdinak ikutzearren mahai-inguru formatoa izango du saioak. Hizkuntza-politiken eta lurralde-politiken artean dauden harremanetaz hausnartzea da helburu nagusia eta horretarako, hizkuntzaren lurralderatzea nolabait landu duten zenbait jarduera teoriko-praktiko aurkeztuko dira. Horiek eztabaidarako abiapuntu gisa hartuko dituzte: arnasguneen teoria, Ipar Euskal Herriko elkargo berriaren hizkuntza-aukerak, Nafarroa Garaiko zonifikazioa eta atzerriko zenbait esperientzia interesgarri azalduko dituzte.

Horretarako bertan egongo dira Iker Salaberria (Kontseilua) arnasguneen teoriari buruz hitz egiteko, Eneritz Zabaleta (Maineko unibertsitatea) Ipar Euskal Herriko elkargo berriaren hizkuntza-aukerak azalduz, Dabid Anaut (euskara teknikaria) Nafarroako zonifikazioari buruz eta Paul Bilbao (Kontseilua): Nazioarteko esperientziak jorratzeko. Azken hau moderatzaile lanetan arituko da ere.

Recibe nuestras newsletters en tu email

Apúntate