Diario Vasco

'Euskararen foro' berriak bere aurkezpen bilera egin zuen

Foroa. Sektore desberdinetako ordezkariak aritu dira aholkulari bezala plana diseinatzen. Beraiek estreinatu dute foroa.
Foroa. Sektore desberdinetako ordezkariak aritu dira aholkulari bezala plana diseinatzen. Beraiek estreinatu dute foroa. / FÉLIX MORQUECHO
  • Sektore desberdinetako ordezkariek hartu zuten parte Euskararen Plan Estrategikoaren baitan antolatu den lantaldean

Ez da hilabete bat pasa Udalak aho batez Euskaren Plan Estrategikoa onartu zuenetik. Proiektu honek euskarari dagozkion politikak eta ekintzak antolatuko ditu hemendik 2025. urtera. Ideiak praktikara eramanda aste honetan egin zen 'Euskararen foro' berriaren lehen bilera.

Talde honetan plana osatzen lagundu duten pertsonak egon ziren. Guztira 40 bat izan ziren sektore desberdinen ordezkariak aurretik egindako prozesu parte hartzailean. Datozen bileretan foro honen ezaugarriak eta funtzionamendua finkatzea izango da lehen lanetako bat. Hurrengo bilerak urriaren 24 eta azaroaren 9rako aurreikusi dira.

Portalea kultur etxean izan zen bilera eta bertara hogei bat lagun hurbildu ziren. Euskararen Plan Estrategikoa prozesu parte hartzaile batetik dator. Horretarako 2015eko azarotik 2016ko martxora ideia ezberdinak jaso ziren. Bertatik atera zen ondorio nagusia ume eta gazteen inguruan dauden agenteek sare bat osatu behar dutela da. Talde edo eragile desberdin horien artean zeharlerrotasuna bilatu nahi da ume eta gazteek esparru guztietan euskaraz bizi-tzeko aukera izan dezaten, 'arnasgune' izena aipatzen du planak.

Nahiz eta foro hitzak ideia ireki bat aditzera ematen duen, momentuz bileretan parte hartuko dutenak aholkulari gisa aritu direnak izango dira. Atzoko aurkezpenaren ondoren, hurrengo bilerak finkatuko dute foro honen erabateko bilakaera eta funtzionamendua. Horretarako Emun enpresaren gidari- tzapean izango dira bilerak ahalik eta etekin handiena ateratzeko.

Foroan Udalaren euskara batzordea beste erakunde eta taldeen ordezkarien batera arituko da. Horrekin batera batzorde tekniko ba-tzuk egongo dira arlo desberdinetan egin behar diren ahaleginetan sakontzeko. Batzorde tekniko horiek hurrengoak izango dira: ikastetxeak, kultura, aisialdia, gurasoak, Udala, euskalgintza, kirola, gazteak, umeak eta arlo sozio-ekonomikoa.

Aurrekontuen igoera

Patxi Lejardi euskara batzorde buruak hasiera eman zion bilerari hamar urterako konpromisoa azpimarratuz, «Udalak berari dagozkion konpromiso guztiak bere gain hartuta, bat gehiago izan nahi du foro honetan».

Jarraian Junkal Txurruka euskara saileko teknikariak Plan Estrategikoaren helburu eta ezaugarriak azaldu zituen. Idoia Argoitia aurkeztu zuen ere, bera izango baita Udaleko euskara sailetik plana koordinatuko duen pertsona.

Nahiz eta aurkezpen ekitaldia izan galderak egiteko aukera egon zen eta bertan diruaz galdetu zuten parte hartzaileek, ea hartutako konpromisoa aurrekontuetara ailegatuko zen.

Arduradunek Plan Estrategikoan bertan aipatzen dena azaldu zuten, 2014. urtekoak abiapuntu hartuta, euskararekin lotutako aurrekontuetan %20ko igoerara ailegatuko dela.

Recibe nuestras newsletters en tu email

Apúntate