Deban Urrezko Aizkolarien txapelketaren hasiera

Azpilikueta lanean Aldats pilotalekuan egindako lehian. /  A.S.
Azpilikueta lanean Aldats pilotalekuan egindako lehian. / A.S.

ANDER SALEGI DEBA.

Urtero bezala, Debako Aldats frontoiak Urrezko Aizkolarien jardunaldia bat jaso zuen. Egur Sportek Debako udalaren laguntzarekin txapelketa honen lehenengo jardunaldia antolatu zuen.

2018ko Urrezko Binakako aizkolari txapelketak hasiera eman zion 'A' taldearekin, bertan, Eneko Otaño eta Juanjose Lz. Azpilikueta Ugaitz Mugertza II.a eta Joseba Otaegiren aurka lehiatu ziren. Lehenengo probari zegokionez, aizkorakada gutxien egiten zituena izango zen garaile. Azpilikuetak 27 segundo behar izan zituen egurra mozteko, Mugertzak, aldiz, 32 segundo.

Bigarren proba, abiadurari zegokiona, Otañok moztu zuen azkarrago. Ondoren, beste proba batzuk egin zituzten; zutik, etzanda, eta azkeneko bi probetan taldean egin zuten lan. Azkenean, Mugertza II.ak eta Otaegik 20 mintu eta 49 segundotan gelditu zuten kronometroa. Otaño eta Lz Azpilikuetak 51 segundo gehiago behar izan zituzten lan guztia egiteko.

Aurten nobedade gisa, emakume aizkolarien banakako txapelketa antolatu da. Deban, Irune Izkue eta Maika Ariztegik parte hartu zuten. Lehenengo lana abiadurakoa izan zen eta Izkuek Ariztegik baino hiru segundo gutxiago behar izan zituen egurra mozteko. Azkenengo proban 45''eko bi enbor moztu zituzten, berriz ere Irune azkarragoa izan zen eta kronometroa 6 minutu eta 44 segundotan gelditu zuen. Maikak, ordea, zazpi minutu eta 50 segundotan. Beraz, Irunek txapelketa honetako lehenengo bi puntuak lortu zituen.

Aldats frontoira gerturatu zirenek, aizkolariez gain, harri-jasotzaile erakustaldia ikusteko aukera izan zuten. Xabier Aranburuk 'Guzta' bi harrirekin egin zuen erakustaldia. Lehenengo lanean, 175 kiloko harri errek-tangeluarrarekin zortzi jasoaldi egin zituen. Bigarren lanean,aldiz, 150 kiloko kubikoarekin sei jasoaldi egin zituen. Guztira 14 jasoaldi.

Datorren igandean, urtarrilak 14, Beizaman (Gipuzkoa) beste jardunaldi bat ospatuko da. Gizonezkoen mailan, Eneko Otaño eta Juanjosé Lz Azpilikueta Jon Irazu eta Xabier Zalduaren aurka lehiatuko dira. Emakumezkoen mailan, Irune Izkue Nerea Sorondoren aurka lehiatuko da. Harri-jasotzaileetan Imanol Illarramendik 'Kortaberri' parte hartuko du.

Contenido Patrocinado

Fotos

Vídeos