Deba Reus Komisioa ofizialki aurkeztua

Herriko plazan egin zen komisioaren aurkezpena.
Herriko plazan egin zen komisioaren aurkezpena. / SALEGI

ANDER SALEGI DEBA.

Deba Reus Komisioa, Reusen ospatutako topaketatik sortutako taldea da. Topaketa apirilean, Reuseko Euskal Komisioak antolatuta. Ekintzaz beteriko asteburua izan zen, bazkari herrikoia, castellsak, tour historikoa, Korrika etab. Debatik eta Euskal Herriko beste zenbait lekutik 100 pertsona inguru joan ziren Reusera.

Honen harira, Deba Reus Komisioa urriaren 27, 28 eta 29an Deba eta Reus arteko topaketa antolatzen ari dira. Uda hasieran osatu zen talde hau eta ostiraean aurkezpena egin zuten herriko plazan. Talde honen helburua topaketaren itzulera antolatu eta aurrera eramatea da. Reusetik, 300 pertsona inguru etortzea aurreikusten dute. Asteburuan zehar, castells erakustaldia, bazkari herrikoia, jai eta elementu kulturalez beteriko poteoa, su erakustaldia eta kontzertuak egongo dira. Baina ekintza hauetaz gain beste hainbat jarduera antolatuko dira eta horretarako, herri guztiaren laguntza eta kolaborazioa beharrezkoa izango da. Dagoeneko, Udalarekin elkarlanean hasi da komisioa, baita herriko zenbait kolektiborekin ere. Astero Debako Gaztetxean biltzen dira, beraz, bertara gerturatu daiteke edonor prestutasuna erakusteko, baita facebook edo email bidez idatzi.

Ostiralean eta atzo rifak saltzen ibili ziren komisiokoak. Lehenengo saria Izenben bi pertsonentzako afari edo bazkariko zenbaki saritua 8.191 da, ordezkoa, 5.469. Bigarren saria, Atozten bi pertsonentzako afari edo bazkariko zenbaki saritua 2.139 da, ordezkoa, 2.561

Irri Banda

Irri Banda, Pirritx, Porrotx eta Marimots pailazoekin egingo den emanaldirako entsaioak antolatu dira. Irailak 5 (19:00) Musika Eskolako Dantza gelan eta 6an (20:00) Musika bandarekin beraien gelan izango da. Parte hartu nahi duten ume guztiak joan ahal dira bertara.

Temas

Deva

Fotos

Vídeos