Basurdeak uxatzeko, kolonia

AMAGOIA ZABALA MENDARO.

Basurdeak direla eta ez direla, kronika bat baino gehiago idatzi behar izan dugu uda honetan zehar, alde batetik herriraino jaitsi eta pertsona batek susto edarra hartu zuelako aurrez aurre topo egin zuenean txerri basatiarekin eta bestetik, herrian bertan dauden ortuetan triskantza bat baino gehiago egin dutelako.

Basurdeen agerpenak, udaren hasieran ortuzain askorentzat arazo larri baten bihurtu ziren, ortuetan lan-tzen zituzten barazkiak basurdeek lurra arakatzen zutenean hauek lurretik kanpora ateratzen zituztelako eta produktuak baliogabetuta geratzen zirelako. Arazoari aurre egiteko, duela hilabete ortuzainek bi sistema antzerako jarri zituzten martxan eta ordutik gau egunera, ez dute basurdeen bisita gehiagorik jaso.

Erabilitako sistema bat betikoa izan da, ortuetan ezaguna den txorimalo bat jarri dutelako. Honi beste osagai bat gehitu zieten, kolonia. Ortuzainek diotenez, kolonia usainak basurdeak uxatzen laguntzen omen du, basurdeentzat kolonia usaina gizakiaren usaina izango balitz bezalakoa da eta gizakia bertan dagoela ulertzen dutenez ez dira ortura sartzen. Koloniaz aparte, gizakion ilea jartzea ere eraginkorra zela ere esan zieten, honek koloniaren lan berdina egiten zuelako.

Fotos

Vídeos