Ardiak protagonista merkatu txikian

Ordizian bezala Mutrikun ere protagonismo berezia izango dute ardiek gaurkoan. /  GORRITIBEREA
Ordizian bezala Mutrikun ere protagonismo berezia izango dute ardiek gaurkoan. / GORRITIBEREA

GORRITIBEREA MUTRIKU.

Ekaineko bigarren larunbata izanik, Merkatu Txikia ospatuko da gaur goizeko 9:00etatik 14:00ak bitartean Beheko plazan. Gaurkoan ordea, protagonismo guztia ardiek izango dute, izan ere Goienetxe baserritik 30en bat buru ekarriko bai dituzte Txurruka plazara. 10:30ean, Erdiko kaletik barrena joango dira ardiok eta 11:00etan puntuan hasiko da ile mozketa Beheko plazan. Horrez gain Goienetxe gaztandegiko gazta, Ondare enpresako mermelada eta kontserbak edo eta Ibiri eta Ekoalboraz ekoizleen garaiko baserriko produktuak izango dira erosgai. Ohi bezala, erosle guztien artean, 50 euroko balioa duen saskia zotz egingo da eguerdiko 13:30ean, baina azoka itxi baino lehen jaso beharko du saridunak.

Manifestazio zaratatsua

Altsasuko gazteak kartzelan sartu izanak haserrea piztu du Mutrikun ere, eta horren lekuko gaur eguerdiko 13:00etan, Txurruka plazatik abiatuta burutuko den manifestazio zaratatsua. 'Altsasukoak aske!' izango da mobilizazioaren lema.

Contenido Patrocinado

Fotos

Vídeos