Karnabalen egitaraua

Mutrikuko Karnabalek bi egun izango dituzte; lehena ostiralean, eskoletako umeei zuzenduta eta egun zentrala larunbatean, egun osoko egitaraua izango duena. Ostiralean, 16:00etan, ikastolatik abiatu eta kalejira osatuko da 'Pikomelatos' pertsonaia, Banda Txikia, Goizeko Izarra ikastola eta San Migel ikastetxeko haurrak eta gurasoekin. Arratsaldeko 17:30ean berriz, Beheko Plazan, 'Txiki Txef' sukaldari tailerrak osatuko dira. Haur guztiak gonbidatuak daude ekimen berritzailera. Larunbatean berriz, goizeko 11:00etatik 13:00etara 'Txan Zirkua' izango da Zabielen Txantxangorri aisialdi taldekoekin batera. 13:00etan, berriz, Beheko Plazatik abiatuta, Gure Ametsa dantza taldea, Txistulari taldea, Buruhandi eta Erraldoien konpartsa, Soinujotzaile taldea eta 'Akelarre' antzerki taldearen kalejira osatuko da. Arratsaldeko 17:00etan berriz, haur berbena hasiko da Miruiatz frontoian Kantu Kolore taldearekin. Nobedadea segidan izango da; Mutrikun dan-tza garaikidea ikasten ari diren 30 haurrek estreinaldia egingo bai dute frontoian. 19:00etan, berriz, ohiko kalejira osatuko da Txurruka plazatik abiatuta Musika Banda eta 'Pikomelatos' pertsonaiarekin. Kalejira amaitu bezain laster hasiko da Beheko Plazan iluntzeko Diskodan-tza, haurrei zuzendua eta gaueko 23:00etatik aurrera berriz gaueko Diskodantza hasiko da.