Diario Vasco
Arrizabalaga eta Lekunberri herriko bertsolariak.
Arrizabalaga eta Lekunberri herriko bertsolariak. / GORRITIBEREA

Mutrikuko bertso eskolako 'Arnope' taldeak parte hartuko du Gipuzkoako herriartekoan

  • Gaur, gaueko 22:30ean estreinatuko dira Villabonako Gaztetxean

Otsailean hasi eta maia-tza bitartean Gipuzkoako Herriartekoan kokatutako taldekako bertsolari txapelketa burutuko da, guztira 267 partaide eta 38 talde mugituko dituen ekimena. Mutrikuko Bertso Eskolak ordezkaritzarik izango du, izan ere Mendaro, Deba eta Mutrikuko bertsolari gazteen artean 'Arnope' taldea osatu baitute. Talde guztiak 12 multzotan sailkatu dituzte, eta mutrikuarrak, Amasa-Villabonako 'Am..ona' eta Hernaniko 'Hernani bi' taldearen aurka neurtuko dira lehen fasean.

Lehia baino gehiago gozamena izango dela diote antolatzaileek, eta hori gaur ikusi ahal izango da, izan ere gaueko 22:30etatik aurrera Billabonako Gaztetxean izango dute lehen saioa. 'Arnope' taldetik Iñigo Arrizabalaga, Manez Astigarraga eta Iñigo Zubiaurre 'Beitxi' arituko dira eta 'Am...ona' taldetik Oihana Iguaran, Amaia Agirre eta Ander Goikoetxea.

Mutrikuko lehen saioa, berriz, martxoaren 4an, larunbatez, burutuko da Gaztetxean baita, eta kasu horretan 'Arnope' taldetik Xabi Astigarraga, Imanol Lekunberri eta Antton Aizpurua arituko dira eta 'Hernani bi' taldetik Unai Agirre Oier Iurramendi eta Iker Osa.

Bederatzi lagun taldean

Mutrikuko 'Arnope' taldean bederatzi lagun arituko dira guztira. Bertsolariak honokoak izango dira; Xabi Astigarraga, Iñigo Arrizabalaga, Imanol Lekunberri, Manex Astigarraga, Antton Aizpurua eta Iñigo Zubiaurre 'Beitxi'. Gai jartzaile bezala Unai Belaustegi arituko da, Epailea Eñaut Lertxundi izango da eta taldeko ordezkaria, Abel Irizar.

Recibe nuestras newsletters en tu email

Apúntate