Diario Vasco
Ormola taldekoak.
Ormola taldekoak. / A. Z.

Eskola kiroleko alebin taldeek Gipuzkoako Txapelketarako eskubaloi sailkapen partidak dituzte

Multikirol alebinen, Gaintxipixa taldeak, nesketan eta Ormola taldeak mutiletan, Mutrikuko eta Debako taldeekin eskubaloi ligaxka jokatu ostean, Gipuzkoako Txapelketarako sailkapen partida jokatuko dute Elgoibarko taldeen aurka.

Gipuzkoako Aldundiaren eskola kirolaren parte-hartzeko lehiaketa programan Mendaro, Deba eta Mutrikurekin batera antola-tzen ditu ekitaldiak eta hamabostean behin elkarren aurka aritzen dira.

Parte hartze altua

Aurten eskola kirolean Mendaroko 86 haurrek parte hartzen dute guztira, %68a, eta horrek esan nahi du Gipuzkoako bataz bestekoaren gainetik dagoela parte hartze maila, baita nesketan ere.

Gipuzkoan nesken parte har-tzea %30 ingurukoa da eta Mendaron aldiz, %46,5ekoa.

Arno Guraso Elkarteak oso modu baikorrean baloratzen ditu parte hartze maila datuak, «poztekoa» dela deritzo, kirola haurren hezkun-tzaren zati garrantzitsua delako eta datozen urteetarako, partaidetza sendotzea du helburu.

Familiek eskola kirolean duten inplikazioa azpimarratzen du elkarteak, izan ere, gurasoak dira kirol taldeen entrenatzaile lanak egiten dituztenak eta Guraso Elkarteak burutzen ditu eskola kiroleko antolakuntza lanak, Udala eta Aldundiaren babesarekin.

Eskubaloi eta pelota

Gai honekin jarraituaz, gaur ere, Mendaro Ikasatolako patioan eskubaloi partidak jokatuko dira. Lehenak jolasten benjamin neskak izango dira eta triangular bat izango da Mendaro, Deba eta Mutrikuren artean. Trinagular hau goizeko 9:45etan hasiko da.

Ondoren, goizeko 11:20etan, benjamin mutilen txanda izango da eta Mendaroko bi talde bata bestearen aurka jokatuko dute.

Arratsaldean, ohikoa den bezala, Goñati pilotalekuan, binakako esku pelota partidak izango dira 16:00etatik aurrera.

Recibe nuestras newsletters en tu email

Apúntate