Diario Vasco

Demasa prozesu parte-hartzailea

Mutrikuko Udala, Gipuzkoako Foru Aldundia, Euskaltzaleen Topagunea eta 'Bai Txo' Euskara Elkarteak antolaturik, Mutrikuko euskaltzaleon prozesu parte-har-tzailea jarriko dute martxan hurrengo otsailaren 18an, hiru larunbatetako goizak okupatuko dituztelarik guztira.

Ekimena gauzatzerakoan, Mutriku herri euskalduna dela baiezta-tzen dute, baina euskara gero eta mingain gutxiagotan erabiltzen omen da, eta hori ziurtatzeko bi datu eman dituzte; 25 eta 64 urte artekoen artean ezagutza %77a omen zen 2011. urtean, baina erabilera 2014an %58koa omen zen.

Egoera kontutan hartuta, herri mailako gogoeta baten bidez erabileraren beherakadari aurre egiteko, herrian euskara indartuko duten egitasmoak imajinatzeko eta Mutrikuko euskaltzaleon sarea sendo-tzeko eta antolatzeko, gogoetarako hiru larunbat antolatu dituzte; otsailaren 18an, martxoaren 4an eta martxoaren 18, beti ere goizeko 10:00etatik 13:00etara Zabiel kultur etxeko ganbaran. Aurrez izena eman behar da ordea, eta horretarako baitxoelkartia@gmail.com helbide elektronikora bidali behar da idatzia. Adin guztietako jendea animatu nahi dute ekimenera, guztiek izango bai dute zeresana.

Eskola kirola

Hamabostean behin izaten dira Eskola Kiroleko partidak Mutrikun. Bihar larunbata honakoak jokatuko dira; eskubaloian eta benjamin mutilen mailan, 10:15ean Elorriaga-Lastur eta Atxukale-Artzabal, eta 11:15ean, Arriola-Endoia eta Kristozulo-Garaluz. Partida guztiak Kiroldegian jokatuko dira.

Recibe nuestras newsletters en tu email

Apúntate