Diario Vasco

Ahotsak.eus proiektuan parte hartu zuten 28 mutrikuarrak omenduko dituzte gaur

Dekot talde arrakastatsua gaur Mutrikun eta doan.
Dekot talde arrakastatsua gaur Mutrikun eta doan. / GORRITIBEREA
  • Ekitaldia iluntzeko zazpietan izango da udaletxean

Bihar ospatuko den Euskararen Egunaren baitan, gaur iluntzeko 19:00etan, ekitaldi polit bezain sentikorra egin da udaletxeko pleno aretoan, izan ere urteak dira dagoneko 'Ahotsak.eus' proiektua martxan jarri zela, eta bertan parte hartu zuten 28 mutrikuarrak omenduko dira gaurkoan.

Gogoratu Euskal Herriko ahotsen fondoa egiteko grabazioetan hainbat mutrikuarrek parte hartu zutela, dokumentu horiek interneten zintzilikatuak daude dagoeneko, dokumentuak eman zituztenak berriz batzuk hilak dira, baina bai bizirik direnak zein joan direnen familiartekoei luzatu nahi zaie gaurko omenaldia, bereziki beraien bizipenak kontatu zituztelako.

Udaleko Kultura Sailetik antolatutako ekimenean, sorpresaren bat ere egongo da eta bukaeran berriz mokadutxo bat zerbitzatuko zaie bertaratutako guztiei. Arrazoi horregatik Udaletik deialdi bat luzatu dute ahalik eta herritar gehien bertara hurbil daitezen. Bestalde, Euskararen Eguna dela medio, hiru ikastetxeetan jaialdi bereziak antolatu dira gaurko.

Horrez gain, 19:00etan baita, 'Bai Txo' euskara taldeak antolaturik, 'Euskaraz bizi nahi dut' banderolak jarriko dira salgai Beheko Plazan.

Dekot taldea Mutrikun

Mutrikuko Rock Kolektiboak gaur emango dio hasiera XII. Abendurock ekitaldiari, hilabeteko osoan, bost kontzertu eta beste bi dokumental emanaldi herrira ekarriko dituenak. Eta hasteko, gaur gaueko 22:30etik aurrera, Gaztetxian, Bizkaiko Maruri-Jatabekoak diren Dekot taldekoak izango dira.

Gogoratu Gaztea maketa lehiaketako irabazleak izan zirela hauek bere 25. edizioan, ondorioz 'Bilbao BBK Live' jaialdi arrakastatsuan parte hartu zutelarik. Taldekideak hauek dira, Ane Barrenetxea ahotsean eta teklatuetan, Ibon Agirre baterian, Ibai Aierza gitarran eta Janire López baxuan. Indie musika bezala ezagutzen dena egiten dute bizkaitarrek, baina bereziki ahotsean dute zutabe nagusia. Gogoratu Abendurock-eko kontzertu guztiak doan izango direla.

Temas

Recibe nuestras newsletters en tu email

Apúntate