Diario Vasco

Euskarazko ipuin idazte tailerra Mendaron

Peru Magdalenaren eskutik euskarazko ipuin idazte tailerra egingo da datorren astean zehar, zehazki astearte eta ostiralean, arratsaldeko 5etatik 7etara, herriko Ludotekan.

Peru Magdalena euskarazko idazle, bertsolari eta margolari bizkaitarra da. Hainbat komunikabideetan parte hartzen du Ostiela! Linterna gorria, Putz... Horrez gain Euskadi Irratiko 'Ipurtargi' irratsaioan parte hartzen du eta beste hainbat proiektu desberdinetan ere ibilia da.

Udaletxeko kultura sailak antolatu duen tailerra da eta urtero antolatzen den euskarazko ipuin lehiaketari bultzada bat ematea nahi zaio. Tailerraren lehen saioa asteartean LH 5 eta 6 mailakoen-tzat izango da eta ostiraleko saioa DBHko ikasle guztiei zuzendurik dago. Parte hartu ahal izateko, aurrez ludotekan izena eman beharko da.

XI. Alkortara igoera

Gaur goizeko 10:30etik aurrera XI. Alkortara igoera ospatuko da. Eguraldi ez bustia espero denez, jende dezente joatea espero da korrikalariei animatzera. Irteera baino ordu erdi lehenago, kotxez gora igotzeko bidea itixi egingo da.

Gaztetxoen Kirola

Gaur ere, goizean zehar eskola kirola proiektuaren barruan Ikastolako kantxan hainbat minisaskibaloi eta minieskubaloi partidak jokatuko dira, hauek goizeko 10etan hasi eta eguerdiko 12:15ak aldera bukatuko dira. Bestalde, arratsaldeko 4etatik aurrera, esku pilota eskolarteko partidak izango dira herriko frontoian.

Recibe nuestras newsletters en tu email

Apúntate