Diario Vasco

'Ganbaran' umeentzako antzerkia

Musika Eskolako ikasleak kalejiran izango dira biharkoan ere.
Musika Eskolako ikasleak kalejiran izango dira biharkoan ere.

'Antzerkiaz Blai' egitarauan, gaur arratsaldeko 18:00etan, 3 eta 10 urte arteko umeentzat gomendatua den antzerki emanaldia izango da. Ganbarak gordetzen dituen sekretu guztiak izango dituzte aztergai, eta horien artean liburu zahar bat, urrutiko lurralde batetara ikusleak eramango dituen liburu liluragarria. Tartean, ipuinak, an-tzerkia, txotxongiloak, denetatik izango dute, baina guztiak ere ingurugiroa zaindu eta irakurzaletasuna bultzatzeko baliagarriak izango direnak. Emanaldia hiru ordu laurden iraungo du eta sarrera doan izango da.

Santa Luzia Musika Eskolan

Musika Eskolako 250 ikasleek bihar ospatuko dute Santa Zezilia eguna. Arratsaldeko 17:00etan, kontzertu txiki bat izango dute 'Eguneta' eskolan. Ondoren diploma banaketa izango dute, aurten bakarrak eskuratuko duelarik agiria eta zenbait joko musikatu burutu ondoren, merienda eskainiko zaie. Azkenik arratsaldeko 18:15ak inguruan kalejirari ekingo diote Beheko Plazaraino iristeko. Eguraldi txarra egingo balu, dena bertan behera utzi eta hurrengo astelehenean, hilaren 28an burutuko litzateke.

Recibe nuestras newsletters en tu email

Apúntate