Diario Vasco
Garailutzeko gaina.
Garailutzeko gaina. / A.Z.

Garailutz mendira irteera, Arnoren eskutik

Bihar igandea, Arno Guraso elkartekoek mendi irteera bat antolatu dute. Oraingo honetan gure herrian dagoen Garailutz mendira joateko asmoa daukate. Bi irteera ordu desberdin daude, alde batetik 9:30ean eta bestea 10:00etan. Lehen irteera bide guztia oinez egiteko da eta hauek Garagartzako plazatik abiatuko dira Leizarperaino. Bigarren ordukoak, Billale ondoan elkartuko dira, kotxez Leizarpera igotzeko. Behin Leizarpen bi taldeetako kideak batzen direnean, denak elkarrekin Garailutz mendi gainera abiatuko dira.

Multikirola eta pelota

Goizeko 9:20ean hasita, eguerdiko 12:30ak arte, Mendaro ikastolako kantxan hainbat kirol partidu desberdin jokatuko dira, Konkretuki hiru partidu desberdin izango dira, Mini saskibaloiko partida bat eta minieskubaloiko beste bi, hauek Deba eta Mutrikuko gaztetxoen aurka.

Arratsaldean, asteroko pilota partidak ikusteko aukera izango da Goñati pilotalekuan. Hauek arratsaldeko 16:00etan hasiko dira eta 18:00ak aldean bukatuko dira.

Trikibertso poteoa

Gaur arratsaldeko 19:30etik aurrera hasita Gaztetxeko gazteak trikibertso poteo saioa antolatu dute. Azken aldi honetan Gaztetxea sasoi onean ageri da, izan ere, hainbat ekitaldi desberdin antolatzen dabiltza herriko elkarteek. Oraingoan, gazteek trikitixa eta bertsoa fusionatuko dute herriko giroa alai-tzeko asmoz. Bertsotan, Aitor Salegi, Beitxi eta Danel Olano arituko dira eta soinu eta trikitixakin Idurre eta Maite. Ekintza hau, Gaztetxea bertan egingo da.

Recibe nuestras newsletters en tu email

Apúntate