Diario Vasco
Lojazaharra itsas beherak aprobetxatuz bisitatzen da.
Lojazaharra itsas beherak aprobetxatuz bisitatzen da. / GORRITIBEREA

Loiola-Zumarraga ibilbidea burutuko dute Burumendi taldekoek igandean

  • Gaur amaitzen da irteeran parte hartzeko izena emateko epea

Irtenaldi dotorea prestatu du Burumendi Mendizale Taldekoak hurrengo iganderako, izan ere Loiola eta Zumarraga artekoa egitea proposatzen bai dute. 19 kilometroko ibilbidean zehar, Loiola, Garin, Murgil, Igarate, Pagotxeta, 973 metroko altuera duen Izazpi, Antiguako baseliza eta Zumarraga artekoa egingo dute, guztira gorakoa metroak 950 izango dira eta beherakoak berriz 600. Bost bat ordutan zehar egitea aurreikusten dute eta horretarako goizeko 7:45ean aterako dira Txanbolingo biribilgunetik. Joateko interesa dutenak gaur izango dute izena emateko azken eguna, eta horretarako, ohi bezala, 'Aparra' moda dendara joan beharko dute. Izena ematean, bazkideak 12 euro ordainduko dute eta ez direnek berriz 15 euro.

Gaur, kafe tertulia

Hil osorako antolatu den 'Egutegi Morea' programan, gaur osteguna, arratsaldeko 18:00etan, kafe-tertulia saioa izango da San Agustin kalean kokatua dagoen EMA gunean. Kafe tertulia gidatzeko Alicia Satué irakaslea etorriko da eta ordubeteko saiora nahi duten guztiek daude gonbidatuak, tartean ipuin irakurketa bat eta ondoren horrekiko interpretazio desberdinak landuko bai dituzte besteak beste.

Bestalde, programa berdinaren barruan, hurrengo astelehenean arratsaldeko 18:30etan eta Udaletxeko pleno aretoan, 'Genero indarkeriaren biktima diren emakumeen harretarako koordinazio protokoloa' sinatzea burutuko da ekin-tza ireki batean.

Geoparkeko herriak

Hurrengo larunbata egun seinalatua izango da Mutriku bisitatzeko, izan ere Santa Zezilia aurreko kon-tzertua eskainiko baitu Musika Bandak 12:30ean, baina izango da beste ekimenik ere. 'Geoparkeko Herriak' ekimenaren barruan, 12:00etatik aurrera bisita gidatua izango da Turismo Bulegotik abiatuta. Tartean, hirugune historikoa, bertako etxe babestuak, kale estuak eta portua bisitatuko bai dira. Ibilbidea guztiz gomendagarria da kultura, historia eta bereziki itsas tradizioa maite dutenentzat. Izena emateko Turismo Bulegora deitu behar da 943-60 33 78 telefonoa markatuz.

Recibe nuestras newsletters en tu email

Apúntate