Diario Vasco

Goienetxe gaztandegiak eskuratu du Gernikako gazta txapelketako bigarren saria

Jose Egaña 'Goienetxe' eta Idoia Mendizabal 'Ondare' kontserbakoak beraien produktuak salduaz gelditu gabe atzo Gernikan.
Jose Egaña 'Goienetxe' eta Idoia Mendizabal 'Ondare' kontserbakoak beraien produktuak salduaz gelditu gabe atzo Gernikan. / GORRITIBEREA
  • Ondare mermeladak ere salmenta onak izan zituen

Urriko Azken Asteleheneko Azoka arrakastatsua izan zen atzokoan Gernikan, arrakasta baita Mutrikun ekoiztutako produktuek lortu zutena, izan zen 'Goienetxe' gaztandegiak bigarren saria lortu baitzuen Euskal Herri osoko 60 gaztagileen artean. Aurretik Olaberriako 'Aitzpea' gaztandegia gelditu zitzaion 2 puntuetara bakarrik, beraz puntaren puntan kokatuak daude Olatz Goiko gaztandegikoak. Lehen bien enkantea batera burutu zen eta bertan 5.100 euro ordaindu zituzten bi gazta erdiengatik. Saria garrantzitsua da zalantzarik gabe, horrek ziurtatzen baitu ze nolako produktua ekoizten duten, baina inportantea da baita erosteko dagoen jarrera. Atzo Gernikan Mutrikuko 'Goienetxe' ezik, 'Ondare' mermeladak ere salpostua jarri zuten, eta biek ala biek oso salmenta politak eduki zituzten, seinalea egunetik egunera kalitatezko produktuak gehiago ezagutzen direnari. Gogoratu, 'Goienetxek' larunbatean Idiazabalen egindako 33. Artzai Gazta barneko 40 gazta egileen artean, probaketa popularreko saria eskuratu zuela, eta biak ere hurrengo azaroaren 12an, Mutrikun ospatzen den hileroko merkatu txikian Mutrikun izango direla beraien produktuak salduaz.

'Ispiluan' erakusketa.

Urriaren 21ean, Zabiel kultur etxean ireki zen Pello Ulazia Ibarzabal herritarraren 'Isilean' erakusketa, bere azken egunetan da, izan ere hurrengo igandean itxiko baita. Gogortu hiru zutabe dituela erakusketak; argazkia, eskultura eta ikus entzunezkoa eta guztiak ere berdintasunaren aldarri bat direla berdintasunaren alde. Erakusketa, gaur, larunbatean eta igandean eguerdiko 12:00etatik 14:00ak bitartean irekiko da, eta bihartik ostiralera bitartean, arratsaldeko 18:30etik 20:30ak bitartean.

Recibe nuestras newsletters en tu email

Apúntate