Diario Vasco

Itziartarrek dena prest dute asteartean Itziarko Peria ospatzeko

Itziargo Feria Industrialdea jendez betetzea espero da.
Itziargo Feria Industrialdea jendez betetzea espero da. / SALEGI
  • Aizkolariak, animaliak eta hainbat postu ikusteko aukera egongo da

Azkenengo 23 urteetan egin den bezala, santu guztien egunean, hau da azaroaren 1ean, Ganadu-Peria izango da Itziarren. Aurten, Itziarko Peria Batzordeak XXIII. edizioa antolatu du auzolanean. Egitaraua borobila da gerturatu nahi duen ororentzat. Goizeko 9:00etan irekiko ditu ateak periak eta eguerdiko 15:00etan itxi. Eguerdi partean aizkolariak izango dira zuzenean: Bihurri, Hodei Ezpeleta eta Ioritz Gisasola. Bertara gerturatzen direnak, musikaz alaiturik egongo dira goiz guztian zehar. Gorritiren animaliak ez dira faltako egun honetan haurrak momentu paregabeak igarotzeko, poni, zezen, etab. Taloko txosnak ez dira faltako, baina ez ohituta gauden moduan prestatuta, Lasturko erara baizik.

Ganadu ugari

Bertan, hainbat ganaduz gozatzeko aukera egongo da; besteak beste, behiak, idiak, behorrak, astoak, pottokak, txerriak, ahuntzak, ardiak. Bertako ahuntzak (azpi-gorriak) eta sasi ardiak galtzear dauden arrazak dira eta egun honetan erakusketa paregabea ikusteko aukera izango da.

Gainera, aurten lehenengo aldiz ahuntz azpi-gorri eta sasi-ardi erakusketaz gain, animali hauen lehiaketa antolatu da. Honetaz gain, 200 postu inguru izango dira bertoko produktuak, artisauak, arropak... beraien produktuak erakusten eta saltzen. Azkenik hainbat makineria ikusteko aukera egongo da: traktoreak, motozerrak eta Quad-ak, besteak beste.

Garraio publikoa

Bertara gerturatzeko garraio publikoa erabiltzea gomendatzen dute antolatzaileek, bai Zumaia eta bai Debatik autobusak egongo dira. Nahiz eta, industrialdean autoen-tzat hainbat aparkaleku egongo diren eta trafikoa bideratzeko hainbat boluntario.

Azkenik, antolatzaileek hauxe esaten dute «auzolanean herri osoak parte hartzen duen egun zoragarri honetara etortzeko gonbita egiten dugu Euskal Herriko txoko guztietara. Guretzat oso garrantzitsua den egun honetan jendearen parte har-tzeak izugarrizko plazerra ematen digu hainbesteko esfortzua egin ondoren».

Recibe nuestras newsletters en tu email

Apúntate