Diario Vasco

Galdeketaren aldeko Gure Esku Dago taldea martxan

Soraluzeko Gure Esku Dago taldeko kideak.
Soraluzeko Gure Esku Dago taldeko kideak. / N.I.

Soraluzeko Gure Esku Dago taldeko kideek ekitaldi bat burutu zuten atzo Zubi Nagusiko eskuaren eskulturaren aurrean, erabakitzeko eskubidearen aldeko urrats berri bat emateko asmoz.

Ekitaldian, taldeko kideek deialdia luzatu zieten Soraluzeko 16 urtetik gorako herritarrei proiektu kolektibo honetan parte har dezaten. Horretarako, asteazkenetan, 19:00etatik 20:30era bitartean biltzen hasi dira elkargunean -brigadaren lokalean- eta, «eskuak bezala, ateak ere parez pare zabalik» dauzkatela esan zuten.

Bestalde, 2017an, hainbat udalerritan herri galdeketak egingo dira. «Soraluzen, soraluzetarron esku dago eta gaur Soraluzen eskuaren aurrean bildu garenok horren aldeko apustua egin dugu», adierazi zuten.

Helburua, eremu, sektore, adin eta sentsibilitate desberdinetako soraluzetarrak elkartzeko gune bat sortzea da, «Euskal Herriaren etorkizuna inongo oztoporik gabe erabakitzeko eskubidea», aldarrikatu zuten, «norberaren ideologiatik haratago, erabakitzeko eskubidea sentsibilitate askoren elkargunea dela argi daukagulako».

Recibe nuestras newsletters en tu email

Apúntate